Хаартыска: PxHere саайтан ылылынна.
Түөкүттэр дьон харчытын уораары “Госуслуги” порталы уонна “Госключ” электроннай илии баттыыр сыһыарыыны туһанан эрэллэр. Бу туһунан “Известия” “Норуот фрона” “Мошеловка” платформа эспиэрдэрэ иһитиннэрдилэр диэн суруйар СИА.
Платформа координатора Евгения Лазарева этэринэн, саҥа схема хас да түһүмэхтээх. Бастаан түөкүттэр “Госуслуги” порталга киһи тус бэйэтин кэбиниэтигэр киирэллэр уонна счекка баар харчынан туһанарга албын нотариальнай дэбиэриннэһи угаллар. Ол кэннэ сиэртибэҕэ “Госключка” баар докумуоҥҥа илии баттыырын туһунан иһитиннэрии кэлэр.
Бу кэннэ сиэртибэҕэ “уорганнар үлэһитэ” эрийэр итиэннэ счеккун алдьатан эрэллэр, харчыгын харыстыыр курдук түргэнник дэбиэринэскэ илиитэ баттыы оҕус дииллэр. Дэбиэринэскэ илии баттаабытын кэннэ, иккистээн “дьиҥнээх” үлэһит буолан кубулунан эрийэн, харчыгын “куттала суох” счекка күрэтэ оҕус диэн тиэтэтэр.
Дэбиэринэс хайдах оҥоһулларын аанньа билбэт дьоҥҥо бу схема наһаа итэҕэтиилээх. Билиҥҥитэ алтыспыт дьон угаайыга түбэһэ иликтэр гынан баран, хара санаалаахтар харса суох төһө көдьүүстээҕин бэрэбиэркэлии олороллор.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…