pxhere.com
Нерюнгри оройуонун өссө икки олохтооҕо кибераферистарга киирэн биэрдилэр.
Ол курдук, 51 саастаах тириэньэр-преподавательгэ бастаан социальнай пуонда үлэһитин аатыттан эрийэн, биэнсийэтэ сыыһа ааҕыллыбытын эппиттэр. Кинини офиска кэлэригэр уонна онлайн суруйтарарга этии киллэрбиттэр. Ол туһугар СМС куодун көрдөөбүттэрин бу киһи этэн биэрбит.
Ол кэнниттэн киниэхэ Киин баан псевдоүлэһитэ эрийэн, бу киһи куодун түөкүттэргэ эппитин, онон кини аатыттан кирэдьиит тэрилтэлэригэр сайаапкалар киирэллэринэн, түргэнник мунньунуутун быыһыырга эппит. Салгыы аны ФСБ аатыттан албыннаан, счеттан харчытын устан, “куттала суох” счекка угарыгар «сүбэлээбит». Куттаммыт киһи бааҥҥа тиийэн, мунньунуутун уһулбут уонна эппит счеттарыгар баҥкамаатынан 1050000 солк ыыппыт. Түөкүттэр манан иҥсэлэрэ туолбатах. Кини массыынатын куһаҕан санаалаах дьон атын киһи аатыгар толотторуохтарын сөбүн этэн туран, ону атыылаан, ол харчытын эмиэ счекка ыытарыгар итэҕэппиттэр. Онон аферистары кытта кэпсэтии түмүгэр бу эр киһи 1 425000 солкуобайын сүтэрбит.
Оттон 37 саастаах кассир маркетплейстэртэн биирдэстэригэр тэйиччиттэн олорон үлэлиэххэ сөбүн туһунан биллэриини интэриэһиргээбит. Онон сигэнэн киирэн, бэйэтин туһунан чахчылары суруйбут. Ол кэнниттэн киниттэн чакка каартатын нүөмэрин уонна бигэргэтии куодун көрдөөбүттэр. Салгыы счетуттан харчытын уһулан ылбыттар. Онон эбии дохуоттанарын оннугар бу дьахтар 82000 солкуобайыттан ытыс соттубут.
Арассыыйа ИДьМ Нерюнгри оройуонугар отдела
Мииринэй оройуонун суута оройуоннааҕы балыыһа дерматовенеролог-быраас - буруйданар дьахтарга бириигэбэрин таһаарда. Суутунан быһаарыллыбытынан, 2023–2024 сс. …
Аан дойдутааҕы биисинэс эйгэтигэр «сымнаҕас» күүс диэн өйдөбүл баар – ол эбэтэр эрэгийиэн бэйэтин култууратын,…
Арассыыйа бастакы национальнай сервиһин – «МАХ» сыһыарыы кыахтара кэҥээн иһэрин туһунан www.sakha.gov.ru иһитиннэрэр. «МАХ» биир…
Саха Өрөспүүбүлүкэтигэр 2026 сылга баһаартан кутталлаах кэмҥэ бэлэмнэнии былааннаахтык ыытыллар. Онуоха биир сүрүн хайысханан Арктика…
Амма сэлиэнньэтигэр биир симиэнэҕэ 200 киһини көрөр кыамталаах поликлиниканы тохсунньу бүтүүтэ арыйар былааннаахтар. Мэдиссиинэ тэрилтэтигэр…
“Дойдуну көмүскээччилэр” судаарыстыба пуондатын Саха сиринээҕи салаата байыаннай дьайыы бэтэрээннэригэр уонна кинилэр дьиэ кэргэттэригэр көмөтө…