Хаартыска: Мария Васильева, ЯСИА.
Саҥа дьыллааҕы бырааһынньыктар чугаһаабыттарынан түөкүттэр куйаар ситимигэр дьону албынныыллара эмиэ саҕаланна. Кинилэр биир ньымаларынан «Кистэлэҥ Санта» оонньуу буолар. Ол оонньуунан кинилэр итэҕэйимтиэ дьон харчытын уораллар диэн ТАСС иһитиннэрэр.
Роскачество сыыппара эспэртииһэтин киинин салайааччыта Сергей Кузьменко этэринэн, түөкүттэр психология албастарын туһаналлар: бырааһынньык иннинэ дьон-сэргэ дьиктигэ ордук итэҕэйэллэр уонна эрэннэрбит бэлэхтэрин туһугар харчыларын чэпчикитик биэрэллэр. Холобур, дьоҥҥо 5 000 солкуобайы сүүйэр туһугар «билбэт киһигэр бэлэхтээ» диэн 1 000 солкуобайы ыытарга эбэтэр саҥа айфон ылар туһугар 5 000 солкуобайы ыытарга угуйуохтарын сөп.
Ол эрэн сүрүн куттал кыра сууманы сүтэриигэ эрэ буолбатах. Карта дааннайдарын киллэрбитин кэннэ, дьоҥҥо операцияны бигэргэтэр форма тахсыан сөп, онно баантан кэлбит СМС куодун киллэрэргэ көрдөһөллөр. Үгүстүк дьон иһитиннэриини аахпаттар, оттон төлөпүөн сыыппаралары аптамаатынан туруоран биэрэр. Түмүгэр «бигэргэтэргэ» баттаатыҥ даҕаны, счеттан уон төгүл элбэх суума уһуллуон сөп.
«Бу бырааһынньык кэмигэр ордук болҕомтолоох буолар наада. Дьиҥнээх аһымал эбэтэр аралдьытар аахсыйалар эһигиттэн төлөбүр дааннайдарын ирдээбэттэр», — диэн Сергей Кузьменко этэр.
Кини ону тэҥэ социальнай ситимнэргэ эбэтэр Telegram-ханаалларга ымсыырдар этиилэргэ киирэргэ тиэтэйбэккитигэр сүбэлиир. Ордук бэйэ тэрилтэ официальнай саайтыгар киирэн иһитиннэриини бэрэбиэркэлиир ордук.
Аллайыаха улууһун Чокуурдаах бөһүөлэгэр быйыл саҥа канализационнай-ыраастыыр ыстаансыйаны үлэҕэ киллэрэр былааннаахтар. Сууккаҕа 400 кубометр кыамталаах…
Олунньу 13 күнүгэр Саха сиригэр Төрөөбүт тыл уонна сурук-бичик күнүн бэлиэтиибит. Бу күн сахалартан бастакы…
Саха Өрөспүүбүлүкэтин Ленскэй улууһун суута олохтоох киһиэхэ буруйдуур бириигэбэри таһаарда. Кини атын баайы-дуолу туттуу иһин…
Дьокуускайга олунньу 14-15 күннэригэр "Тоҥ-Jazz'' Бүтүн Арассыыйатааҕы джазовай муусука бэстибээлэ сэттис төгүлүн ыытыллыаҕа. Бэстибээлгэ Уһук…
Чэпчэтиилээх куортамнааһын мэхэньиисимин сайыннарыы тиэмэтин Нерюнгри оройуонугар буолбут Бырабыыталыстыба отчуотугар көтөхтүлэр. Бырабыыталыстыба бэрэссэдээтэлэ Кирилл Бычков…
Сыл аайы ыытыллар Илиҥҥи экэнэмиичэскэй пуорум 2026 сыл балаҕан ыйын 1-4 күннэригэр Владивостокка ыытыллыаҕа. РФ…