Түөкүттэр кырдьаҕас киһиттэн 1,7 мөл. солк. харчытын уордулар

Өрөспүүбүлүкэҕэ ааспыт сууккаҕа буруйу оҥоруу үс түбэлтэтэ бэлиэтэннэ диэн СӨ Борокуратууратын пресс-сулууспата иһитиннэрэр.

Дьокуускайга уонна Нерюнгрига дьону албыннааһын туһунан иһитиннэрии киирдэ. 1951 с.т. Нерюнгри кырдьаҕас олохтооҕуттан албыннаан-түөкүннээн 1,7 мөл.тахса харчытын уордулар.

Дьокуускай куоракка Авиационнай уулусса биир дьиэтигэр сокуоннайа суох сүүйсүүлээх оонньууну тэрийэн ыыталларын туппуттар.

Суукка иһигэр 5 техногеннай баһаар тахсыбыт, өлүү уонна эчэйии суох.

Киһи өлүүлээх суол-иис быһылаана тахсыбыта бэлиэтэммэтэ.

Суукка иһигэр арыгы иһэн баран тырааныспары ыыта сылдьар 6 суоппар тутулунна.