Түөкүттэр Мииринэй олохтооҕо дьахтартан 3 мөл. солк. кэриҥэ харчыны уорбуттар

Мииринэйгэ олохтоох дьахтар полицейскайдарга биллибэт дьахтар социальнай ситимнэрин көмөтүнэн харчытын уорбутун туһунан биллэрбит.

Энергосбыт үлэһитэ буолан кубулунан биллибэт дьахтар былаанынан электросчетчиктары уларытыы ыытылларын, онон уочаракка турарга СМС кодун этэрин ирдээбит. Эмсэҕэлээччи дьахтар тутатына итэҕэйэн, СМС кодун этэн биэрбит. Ол кэнниттэн Росфинмониторинга кылаабынай исписэлииһэ эрийбит. Исписэлиис түөкүттэр дьахтар электроннай почтатыгар киирэннэр, массыынаны, кыбартыыраны атыылыы сатаабыттарын туһунан сэрэппит уонна баар харчыны баан счетугар ыытарга күһэйбит.

Түмүгэр эмсэҕэлээбит дьахтар куттанан ыйыллыбыт баан счетугар 2 780 000 солк. суума харчыны ыыппыт. Онуоха бу сыалга дьахтар кирэдьиит, ону таһынан билэр дьонуттан иэс харчыны ылбыт, диэн ИДьМ пресс-сулууспата суруйар.