Түөкүттэр мобильнай төлөпүөҥҥэ холбоммуттарын хайдах билэбит?

Түөкүттэр мобильнай төлөпүөн вирустаммыт буоллаҕына эбэтэр атын киһиэхэ биэрэ сылдьыбыт буоллаххына биирдэ киириэхтэрин сөп, диэн этэр эспиэр Руслан Пермяков «Российскай газетаҕа».

Вирустаах бырагырааманы туһанан хара санаалаах төлөпүөн дааннайдарын интэриниэккэ анал сервергэ ыыта турарын курдук оҥорон кэбиһиэн сөп.

Төлөпүөҥҥэ холбоммуттарын хайдах билэбит? Саарбах смс-тар, төлөпүөҥҥэ  эрийиилэр кэлэллэр, билбэт сыһыарыыларыҥ элбии түһэллэр, трафик эмискэ улаатар, куттал суох буолуутун хааччыйар настройкаҕа уларыйыылар тахсаллар, ииттэриитэ түргэнник бүтэр буолан хаалар.

Ол гынан баран, диир эспиэр, холобур төлөпүөн күн көрөр сиригэр хаалбыт буоллаҕына, маннык уларыйыылар эмиэ буолуохтарын сөп.