Түөкүттэр нэдиэлэ иһигэр 8 мөл. солк. тахса солк. уорбуттар

Ааспыт нэдиэлэҕэ Саха сиригэр түөкүттэр буруйдаах дьайыыларыттан 8 киһи эмсэҕэлээтэ. Уоруллубут үп-харчы уопсай суумата 8 072 373 солк. тэҥнэстэ.

Бу туһунан СӨ Борокуратуурата иһитиннэрэр. Түөкүттэр сиэртибэлэринэн медсиэстэрэ, быраас, харабыл, биэнсийэлээхтэр уонна үлэтэ суох киһи буоллулар. ФСБ, Социальнай пуонда уонна домофон туруорар хампаанньа сымыйа үлэһиттэрэ буолан кубулунан, түөкүттэр  түөрт эмсэҕэлээччигэ 3,5 мөл.солк.тахса суумалаах хоромньуну таһаардылар. Харчыны үлүннэрэн ылыыга диэн ааттаан өрөспүүбүлүкэ икки олохтооҕуттан 2,4 мөл. тахса солкуобайы уорбуттар. Ону тэҥэ массыына уонна матасыыкыл атыылаһыыга үбү-харчыны сүтэрии түбэлтэтэ (1 953 132 уонна 135 000 солк.) бэлиэтэннэ.