Хаартыска- СИА.
Ис дьыала уорганнарын пресс-сулууспата иһитиннэрэринэн, түөкүттэр сахалыы ааттары туһанан, дьону албынныыр буолбуттар. Кинилэр криптовалютаҕа түргэн уонна улахан сүүйүүнү эрэннэрэллэр уонна сахалыы суруйсаллар эбит.
“Түөкүттэр Саха сиригэр “үлэлиир” эйгэлэрин кэҥэтэн иһэллэрэ сахалыы саҥарар дьоҥҥо туһулаабыттарыттан көстөр. Бу иннинэ Zakharova Dayaana уонна Tuyaara Arzhakova диэн сымыйа ааттарынан суруйсар эбит уоллахтарына, аны саҥа “криптовалюта эспиэрэ” Нарыйа Корякина диэн баар буолбут”, — диэн ИДьМ иһитиннэриитигэр этиллэр.
Ол курдук, полицияҕа 46 саастаах бибилэтиэкэр сайабылыанньа суруйбут. Бу дьахтар “Телеграм” социальнай ситимҥэ Нарыйа Корякина диэн сымыйа ааттаах түөкүнү кытары сахалыы суруйсан баран, 70 тыһыынча солкуобайыттан маппыт. Бастаан 20 тыһыынча солкуобайын бэйэтэ ыыппыт, онтон сигэни (сыылканы) баттаабытыгар, каартатыгар баар харчытын барытын устан ылбыттар.
Ханнык да “эспиэрдэргэ” итэҕэйимэҥ, ыыппыт сигэлэрин баттаамаҥ, түргэн, чэпчэки харчы хапкааҥҥа эрэ баар буолар диэн СИА өссө төгүл сэрэтэр.
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…
Кэнники кэмҥэ оҕо аахпат буолбутун бары билинэбит. Аахпат оҕо билиитэ-көрүүтэ татым, суруйарыгар да сыыһалардаах буолар.…
Ил Дархан Айсен Николаев “Саха сирин тимир суоллара” хампаанньа 2025 сыллааҕы үбүн-хаһаайыстыбаннай үлэтин барыллаан түмүктэрин…
Ааспыт суукка иһигэр Дьокуускай куоракка биэс суол быһылаана таҕыста. Бу туһунан ГАИ пресс-сулууспата иһитиннэрэр. Туманнаах,…