Хаартыска PxHere саайтан ылылынна
Түөкүттэр дьону албынныырга саҥа ньыманы толкуйдаабыттар. «Баһыылкаҥ кэллэ, ону сыһыарыы эрэ көмөтүнэн ылаҕын» диэн албынныыр буолбуттар. Бу туһунан СӨ борокуратууратын пресс-сулууспата сэрэтэр.
Билигин үгүс киһи араас табаары интэриниэтинэн суруттаран ылар. Ол иһин маннык албыҥҥа ханнык баҕарар киһи түбэһиэн сөп.
Бу курдук түөкүттэр 65 саастаах биэнсийэлээх дьахтары албыннаабыттар. «Сакаастаабыт баһыылкаҥ кэллэ, ону төлөпүөҥҥэр сыһыарыы хачайдаатаххына эрэ, ылаҕын» диэн буолбут. Дьахтар «бэйэм баран, ылыам» диэбитин, мобильнай сыһыарыы эрэ нөҥүө ылыллыахтаах диэн итэҕэппиттэр.
Түөкүттэр ыыппыт сигэлэринэн киирэн, сыһыарыыны хачайдаабытын кэннэ, төлөпүөнэ үлэлээбэт буолан хаалбыт.
Бу кэнниттэн «баан» уонна «быраабы харыстыыр уорганнар» үлэһиттэрэ эрийэн, «эн ааккыттан улахан кирэдьиити ылан эрэллэр» диэн ыкпыттар, ыксаппыттар. Онон туох баар харчытын уонна өссө саҥа кирэдьиити ылан, «куттала суох счекка» ыытарга күһэйбиттэр. Онон биэнсийэлээх дьахтар барыта 1,8 мөлүйүөн солкуобайын сүтэрбит.
Борокуратуура сэрэтэринэн, төлөпүөнүнэн ким баҕарар диэн ааттаммыт дьон сорудахтарын толорор, ыыппыт сигэлэрин арыйар, сыһыарыыларын хачайдыыр табыллыбат.
Дьиҥнээх баан үлэһиттэрэ да, быраабы көмүскүүр уорганнар бэрэстэбиитэллэрэ да киһиэхэ эрийэн, счеттан харчыны устарга, кирэдьиит ылан, «куттала суох счекка» ыытарга күһэйбэттэр.
Маннык эрийэр, куттуур, ыксатар буоллулар да, төлөпүөнү арааран баран, тута бааҥҥа эрийэн, билсиэххэ наада.
Дьокуускай куорат ДСК оройуонун олохтоохторо оптуобус маршруттара уларыйбытыттан айманаллар. Айманаллара да оруннаах. Олохсуйбут маршруттар кыстыгы…
Билигин кыбартыыраҕа, массыынаҕа, сир учаастагар түһээн төлөбүрэ кэлбитинэн, түөкүттэр саҥа схеманы толкуйдаабыттар. “Госуслугаҕа” тус кэбиниэккэр…
Бүгүн, сэтинньи 14 күнүгэр, “Саха сирин 100 бастыҥ табаара” куонкурус кыайыылаахтарын наҕараадалаатылар. Бу тэрээһин олохтоох…
Таҥас кэллэ да ким иллэҥнээҕинэн муста түһээт, тикпитинэн бараллар. [gallery ids="167582,167583,167584,167585,167586,167587,167588,167590,167591"] Байыаннай дьайыыга сылдьар буойуннарга…
ТХНЧИ научнай үлэһитэ, биология наукатын кандидата Терентий Платонов: “Убаһа этигэр киһиэхэ сыстар паразит суох буоллаҕына,…
Анемодист Софронов-Алампа төрөөбүт күнүгэр "Алампа'' бириэмийэни туттарыы сиэрэ-туома алтыс төгүлүн ыытылынна. Дьоро киэһэ Саха тыйаатырын…