Түөкүттэр суукка иһигэр түөрт киһини албыннаабыттар

Ааспыт сууккаҕа Дьокуускай полициятын отделларыгар ыраахтан олорон албынныыр түөкүттэр сиэртибэлэрэ буолбут түөрт киһи сайабылыанньа киллэрдэ диэн ИДьМ пресс-сулууспата иһитиннэрэр. Хоромньу уопсай суумата 2,6 мөлүйүөнтэн тахса солкуобай буолбут.

25 саастаах кыыска түөкүттэр кирэдьииккэр көмөлөһүөхпүт диэн албыннаан 870 тыһыынча солкуобайын уорбуттар.

Түөкүттэр «Домофон сервис» тэрилтэттэн эрийэбит диэннэр барментан ууруна сыппыт 1 мөлүйүөн 450 тыһыынча солкуобайын мэлиппиттэр.

Оттон биир тэрилтэ методиһыгар түөкүттэр салайааччытын аатыттан төлөпүөннээннэр, 294 тыһыынча солкуобайы ыыттарбыттар.

Биир урбаанньыт таһаҕаһы тиэйтэрии өҥөтүнэн туһанаары 150 тыһыынча солкуобайын сүтэрбит.

Сэрэхтээх буолуҥ! Билбэт нүөмэрдэргититтэн эрийдэхтэринэ ылымаҥ уонна ханнык да албаһынан харчы операциятын оҥорумаҥ диэн полиция үлэһиттэрэ сүбэлииллэр.