Салгыы
Түөкүттэр сымыйа нолуок декларациятын толотторо сатыыллар

Түөкүттэр сымыйа нолуок декларациятын толотторо сатыыллар

Ааптар:
29.03.2024, 14:18
Бөлөххө киир:

Түөкүттэр күнтэн күн саҥа албын ньымалары була сатыыллар. Аны “нолуок төлүүр декларацияны” толотторуу ньыматынан дьон үбүн суйдуу сатыыр буолбуттар.

Ол курдук, түөкүттэр электроннай почта нөҥүө нолуогабай сулууспа аатыттан сурук ыытан нолуок декларациятын толорорго модьуйаллар. Сурукка атын саайтка ыытар сигэни ыйаллар. Бу сигэнэн арыллыбыт саайтка киһи бэйэтин туһунан тус информациятын уонна баан каартатын нүөмэрин, кэннигэр суруллар кистэлэҥ үс сыыппаратын суруйарга ыйаллар.

Бу курдук суругу түөкүттэртэн туттаххытына,  сурукка баар сигэҕэ кииримэҥ, бэйэҕит туһунан информацияны биэримэҥ. Нолуок хомуйар уорганнар төлөммөтөх иэскитин онлайн төлүүр туһунан электроннай суруктары ыыппаттар. 2024 сыл тохсунньу 1 күнүттэн ыам ыйын 2 күнүгэр диэри ыытыллар хампаанньаҕа, гражданнар ааспыт сыллааҕы дохуоттаргытын (ол иһигэр дьиэ, массыына, сир атыытыттан киирбит) нолуок декларациятыгар киллэрэллэр.

Төлөммөтөх нолуоккут туһунан «Личный кабинет налогоплательщика» сервис нөҥүө билиэххитин сөп.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 23°C
  • Ощущается: 23°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: