Түөкүттэр телеграм-ханаал аккауннарын саҥа ньыманан уорар буолбуттар

РФ Сыыппара сайдыытын министиэристибэтэ иһитиннэрбитинэн, телеграм-ханаал аккауннарын уоруу саҥа ньымата үөдүйбүт.

Түөкүттэр дьоҥҥо телеграм мессенджер “премиум” сурутуутун босхо ылыахха сөп диэн албын суругу ыыталыыллар эбит. Сурук билэр киһиҥ хантаагыттан кэлэр буолан, үгүстэр кэлбит сурукка баар сигэни баттыыллар эбит. Ол сигэни батаатахха, авторизациялааһын куода кэлэр. Ону киллэрдэххэ, телеграм аккауна тутатына, түөкүттэр бас билиилэригэр киирэр. 

Бу түөкүннээһини утары “двухфакторнай аутентификация” көмүскүөн сөп. Эрдэ икки төгүл бигэргэтии ньыматын киллэриммит буоллаххытына, куоду суруйбут да түгэҥҥитигэр, түөкүн өссө биир паролу суруйара ирдэнэр.  Ол аһаайын электроннай пуостатыгар эрэ кэлэр.

Босхо сурутууга ымсыыран түөкүттэр албастарыгар киирэн биэримэҥ!

Хаартыска Российская газета саайтыттан ылынна