Түөкүттэр Телеграмҥа төрөөбүт күннээхтэр ааттарыттан “кружоктары” ыытар буолбуттар

Telegram туһанааччыларга түөкүттэр саҥа албаһы булбуттар.

Ол курдук түөкүн төрөөбүт күннээх кыыс буолан кубулуммут уонна бырааһынньык кэнниттэн дьүөгэтин төлөпүөнүгэр видеоиһитиннэрии ыыппыт. Түөкүн кыыс дьүһүнүн, куолаһын туһанан, “фотографка 20 тыһ. солк. ыыта сатыырым кыайан табыллыбат, бу нүөмэргэ эн ыытан эр, оттон мин эйиэхэ ыытыам” диэбит.

Дьүөгэтэ итэҕэйэн, харчыны ыытаатын кытта “төрөөбүт күннээҕи” кытта кэпсэтии сотуллубут. Бааҥҥа бу ыытыллыбыт харчыны төннөрөр кыаллыбат диэбиттэр.