СИА хаартыската
От ыйын 25 күнүттэн Арассыыйаҕа национальнай төлөбүр систиэмэтин туһунан сокуоҥҥа уларыйыы киирэр, ол эбэтэр түөкүттэртэн эмсэҕэлээбит дьоҥҥо бааннар харчыларын төннөрөр эбээһинэстэниэхтэрэ.
Бааннар бары килийиэн харчыта хайдах хамсыырын хонтуруолга тутан олороллорун таһынан, дьонтон уоруллубут харчыны кумааҕы харчыга уларытар “дроппер” дэнээччилэри, баан өҥөтүнэн туһаналларын тохтотон кэбиһиэхтэрэ. Билигин киһи хастыы да баан каартатынан туттар, “дроппердар” дьэ манан туһаналлар. Кинилэр каарталарын түөкүттэргэ атыылыыллар биитэр киирбит харчыны кумааҕы харчыга уларытан көмөлөһөллөр. Мантан антах баан бу киһи “дроппер” буоларын туһунан информацияны ылла да, каартатын арааран кэбиһэр бырааптанна.
Өскөтө киһи “дроппер” счетугар ыыппыт харчытын баан көһөрөн кэбистэҕинэ, бу албыннаппыт киһиэхэ баан 30 суукка иһигэр харчытын төннөрүөхтээх.
Урут харчы хамсааһынын (перевод денег) эккирэтиһии олус уустугун таһынан уһун бириэмэни ылара, хас биирдиитигэр ИДьМ-ҥа “запрос” ыытыахха наадата. Билигин баан, харчы хамсыыр кэмигэр харчыны ылааччы ИДьМ базатыгар баарын туһунан информацияны тута ылар буолла, онон ол “переводу” тохтотон кэбиһэр. Өскөтө бэрэбиэркэлээбэккэ түөкүттэргэ ыыппыт буоллаҕына, 30 хонук иһигэр ол сууманы төннөрөр. Харчы кыраныысса тас өттүгэр барбыт буоллаҕына, 60 хонук иһигэр.
Оттон харчыны ыытарын тохтоппутун туһунан баан килийиэҥҥэ бэйэтэ иһитиннэрэр. Икки күн “тоҥороллор”. Бу кэнниттэн килийиэн ыытарын-ыыппатын бэйэтэ быһаарар.
Биллэн турар, түөкүттэр да утуйа сыппаттар. Дааннайдар базаларыгар суох саҥаттан саҥа счеттары арыйан иһиэхтэрин сөп. Ол иһин бааннар бу тиһиктэрин куруук саҥарда туруохтарын наада.
Үп эспиэрдэрэ этэллэринэн, бу уларытыылар бааннар эппиэтинэстээх буолалларыгар күһэйэллэр. Бэйэлэрин хармааннарыттан төлүөхтэрин баҕарбат буоллахтарына, харчы хамсааһынын кэтиир, түөкүттэр буолалларын эрдэттэн билэн, сэрэхтээх эпэрээссийэлэри оҥорортон туттунар буолуохтара, диэн суруйар “Российская газета” хаһыат.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…