Хаартыска СИА.
Бу күннэргэ Дьокуускай куоракка Ис дьыала министиэристибэтин Дьокуускайдааҕы полиция отделыгар биэс устудьуон түөкүттэртэн эмсэҕэлээбиттэрин туһунан сайабылыанньа суруйбуттар.
Хоромньуларын уопсай суумата 355 000 солк. тахса. Ол туһунан СӨ ИДьМ пресс-сулууспата иһитиннэрэр.
Ол курдук, аферистар баан үлэһитин аатыттан ХИФУ 23 саастаах устудьуонугар төлөпүөннээн счетун түөкүттэр алдьаппыттарын туһунан эппиттэр уонна 256 000 солк. кирэдьиит ылан кинилэр счеттарыгар ыытарыгар тылларыгар киллэрбиттэр. Түмүгэр устудьуон кыыс счетугар баар харчытын сүтэрбитин таһынан, кирэдьииккэ ыйаммыт.
Олимпийскай солбук училищетын 17 уонна 18 саастаах устудьуоннара социальнай ситим нөҥүө күрэхтэһэргэ кэтэр анал атах таҥаһын атыылаһаары түөкүттэргэ түбэспиттэр. Кинилэр «атыыһыкка» атах таҥаһын атыылаһаары 13 000 уонна 19 300 солкуобайы эрдэттэн төлөөн харчыларыттан мэлийбиттэр.
ХИФУ 20 саастаах устудьуона босхо биллэрии саайтыттан ноутбук атыылаһаары 40 000 солкуобайын уодаһыннаах уоруйахтарга уордарбыт. Оттон 20 саастаах Дьокуускайдааҕы медколледж устудьуона социальнай ситимҥэ эбии үөрэхтээһини ылыан баҕарарын туһунан биллэрии ыыппыт, түмүгэр «сымыйа үөрэххэ» 26 000 солкуобайы төлөөн харчытыттан мэлийбит.
Онон ытыктабыллаах устудьуоннары ИДьМ үлэһиттэрэ сэрэтэллэр! Баан үлэһиттэрэ хаһан даҕаны счекка баар харчыны ханнык даҕаны атын счекка куоттарбаттар уонна онно сөптөөх «кирэдьиити оҥорботтор». Ити барыта түөкүттэр албастара буоларын өйдүөхтээххит.
Босхо бэриллэр биллэриилэргэ, биллибэт саайтарга киирэн табаары эрдэттэн төлөөмөҥ, дьиҥнээх маҕаһыыннартан эрэ ылыҥ, оттон ким төлөпүөннүүрүн саарбахтыыр буоллаххытына, кэпсэтиини тохтотон баран, суһаллык 102 эбэтэр 112 диэн нүөмэрдэргэ эрийиҥ диэн быраап уорганын үлэһиттэрэ сүбэлииллэр.
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…