Түөкүттэр “военкоматтан” эрийэллэр

Түөкүттэр тус дааннайдары сыыппараҕа көһөрөбүт диэн военкомакка “ыҥырар” саҥа исхиэмэни толкуйдаабыттарын ИДьМ матырыйаалларыгар сигэнэн ТАСС иһитиннэрэр.

Биэдэмистибэ этэринэн, киһиэхэ военкомат үлэһитэбин диэн түөкүн эрийэн, тус дааннайдаргын сыыппараҕа көһөрөргө манна кэлэриҥ наада диир.

Ол кэннэ албын-үлэһит военкомат хааччахтаах тэрилтэ буоларынан, киирэргэр пропуск эбэтэр бэбиэскэ ирдэнэр диир.

Салгыы билигин бэбиэскэ ыытар кыахпыт суоҕунан, пропуск оҥорорго тус дааннайдарыҥ наада диэн, киһиттэн пааспарын сериятын, нүөмэрин, ону тэҥэ СНИЛС нүөмэрин ылаллар. Ол кэннэ сүтэн хаалаллар.