Түөкүттэргэ 3,7 мөл. солк. былдьаппыттар

Ааспыт сууккаҕа өрөспүүбүлүкэҕэ биэс буруйу оҥоруу бэлиэтэммит. Онон ыытыллар бэрэбиэркэ уонна силиэстийэ өрөспүүбүлүкэ борокуратууратын хонтуруолугар турар.

Өлүөхүмэ улууһун Үҥкүр сэлиэнньэтигэр түөһүгэр быһаҕынан анньыллан 1985 сыллаахха төрөөбүт киһи балыыһаҕа киирбит, уорбаланааччыны быһаарбыттар.

Дьокуускай куоракка уоруу тахсыбыт. Дьокуускайга уонна Ленскэй оройуонугар түөкүттэр “инвестиция”, “салайааччыҥ төлөпүөннүүр” ньымалары туһунан уонна Судаарыстыбаннай өҥө порталын алдьатан эмсэҕэлээччилэртэн 3,7 мөл. солк. уоран холуобунай дьыалалар тэриллибиттэр.

Ленскэй оройуонугар арыгы иһэн баран хаттаан массыына ыытан тутуллуу бэлиэтэммит.

Суукка устата барыта 12 киһи итирик туруктаах массыына ыытан тутуллубут. Бу туһунан СӨ борокуратууратын пресс-сулууспата иһитиннэрэр.