Түөкүттэргэ түбэһии тохтообот

СӨ ИДьМ Дьокуускайдааҕы управлениета иһитиннэринэн, бу күннэргэ ыраахтан олорон дьону албынныыр түөкүттэр дьайыыларыттан эмсэҕэлээбит 3 киһи сайабылыанньата киирбит. Бу туһунан ИДьМ пресс-сулууспата иһитиннэрэр.

70 саастаах Дьокуускай олохтооҕо сымыйа брокер тылыгар итэҕэйэн, түөкүҥҥэ 556 500 солкуобайын ыыппыт.

Дьокуускай куорат ханна да үлэлээбэт 54 саастаах олохтооҕо «Росфинмониторинг» сымыйа үлэһитэ ыйбыт счетугар 1 350 000 солкуобайын – өр сылларга мунньуммут харчытын барытын ыыппыт.

Мииринэйгэ олорор 66 саастаах дьахтарга «Госуслуги» порталын үлэһитэбин диэн түөкүн эрийбит. Түөкүнү кытары кэпсэтэн баран кини 1 000 000 солкуобайын сүтэрбит.

Бу дьону албыннааһынынан РФ Холуобунай кодексын 159 ыстатыйатынан («Түөкүннээһин») холуобунай дьыалалар көбүтүлүннүлэр.