Түөкүттэртэн эмсэҕэлээбит Лариса Долинаҕа Москваҕа баар кыбартыыратын төнүннэрбиттэр

Москва Хамовническай суута Арассыыйа норуодунай артыыһа Лариса Долина кыбартыыратын атыытыгар илии охсуһуутун дьиҥэ суоҕунан ааҕар туһунан ирдэбил суругун артыыс туһатыгар быһаарбыт. Ити туһунан РИА Новости суруйар.

Былырыын сайын артыыс түөкүттэртэн эмсэҕэлээбитин туһунан иһитиннэрбитэ. Бэҕэһээ Москва куорат Хамовническай оройуон суутунан Лариса Долина ирдэбил суруга артыыс туһатыгар быһаарыллыбыт. бу туһунан матырыйаалга этиллэр.

Ааҕыныстабаҕа юрист, Москва куорат уонна Москва уобалаһын быраабын, бэрээдэгин киинин салайааччыта иһитиннэрбитинэн, артыыс кини кыбартыыратын атыыласпыт Полина Лурьеҕа 112 мөл. солк. төнүннэриэхтээх эбит.

Лариса Долина илии баттаһыыны дьиҥэ суоҕунан ааҕар туһунан суругун уонна атыылаһааччы Полина Лурье ону утарар суругун бииргэ тиспиттэр, итиэннэ сабыылаах эрэсиимҥэ көрбүттэр. Ирдэбил суруктары көрөр кэмҥэ бэрэстэбиитэллэр тарҕатыа суох буолан илии баттаабыттарыгар сигэнэн, суруналыыстарга кэмэнтээрий биэрэртэн аккаастаммыттар. Бу туһунан РИА Новости суруйар.