Хаартыска: Арассыыйа Баанын Саха сиринээҕи салаата
Арассыыйа Баанын Саха сиринээҕи салаатыгар түөкүттэргэ албыннаппаттарын уонна үптэрин-харчыларын сүтэрбэттэрин туһугар килийиэннэрин көмүскээбит баан үлэһиттэрин наҕараадалаатылар. Онон сүүрбэ икки киһи наҕараадаланна.
Тустаах салаа управляющайа баан исписэлиистэрин “За защиту финансовых интересов клиента” өйдөбүнньүк бэлиэлэри туттарда. Антон Коноплев кинилэргэ үтүө суобастаах үлэлэрин иһин махтанна.
“Биир идэлээхтэргитигэр холобур буолуоххут диэн эрэнэбин. Эһиги баан тиһигэр дьон итэҕэйэр буолуутун бөҕөргөтөҕүт уонна дьоҥҥо үп-харчы өттүнэн билиилэрин үрдэтэргэ көмөлөһөҕүт. Албыҥҥа киирэн биэрэллэриттэн быыһаабыт дьоҥҥут төлөпүөнүнэн эрийэр билбэт киһилэригэр аны киирэн биэриэхтэрэ суоҕа. Саамай сөптөөҕө диэн туруупканы ууран баран бааҥҥа эрийэн, счеттарын ыйытыахтаахтар, бу албын дуу суох дуу диэн чопчулуур туһугар”, — диэтэ Антон Коноплев.
Ону тэҥэ Саха сиринээҕи салаа салайааччыта Арассыыйа Баана аферистар сиэртибэлэрэ буолбаттарын туһугар үгүс сокуон нуормаларын көҕүлээбитин санатта. Холобура, “иккис илии” сервиһэ уонна кирэдьииттэри “тымнытыы” кэмэ. Ону тэҥэ регулятор түөкүннүүр сыаллаах эпэрээссийэлэр бэлиэлэрин кэҥэттэ, ол көмөтүнэн бааннар килийиэннэрин эпэрээссийэлэрин бэрэбиэркэлииллэр, уорбалыы санаатахтарына, олору тохтотон, килийиэннэрин сэрэтэллэр. Холобура, анал бааза баар, онно иһитиннэриини атастаһааччылар чахчылары киллэрэллэр. Ол көмөтүнэн баан үлэһиттэрэ түөкүннээһин бэлиэлээх эрэрээссийэлэри булаллар.
Дьокуускайга Сбербаан үлэһитэ саастаах килийиэнтэн бөдөҥ суумалаах харчыны уорууларын тохтоппут. Сбербаан 8603/0124 №-дээх офиһын ыстаарсай менеджерэ Степанида Крылова килийиэҥҥэ 1,5 мөл солкуобайын ытыс сотторуттан быыһаабыт. Аҕам саастаах киһи суһаллык бары счетуттан уонна уурдарыытыттан харчытын устаары тиийбит. Кини олус ыксаабыт көрүҥнээҕиттэн баан үлэһитэ сэрэхэчийбит. Степанида Крылова тута “Безопасность” кунуопканы баттаабыт. Онно биллибитинэн килийиэҥҥэ “домофон сулууспатын” үлэһиттэрэбит диэн эрийбиттэр. Харчыны устууну тута тохтотон, килийиэн харчытын уорууттан быыһаабыттар.
Кэнники офиска ити киһи кыыһа кэлэн баан үлэһитигэр махтаммыт.
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…
Таатта улууһугар СӨ ситэриилээх былааһын уорганнара 2025 сыллааҕы үлэлэрин түмүгүнэн отчуоттара саҕаланна. Бырабыыталыстыба оробуочай бөлөҕүн…