Түөкүттэртэн сэрэниҥ. Педиатр түөкүттэр албыннарыгар киирэн биэрдэ

Түөрт киһиттэн түөкүттэргэ албыннаппыттарын туһунан полицияларга үҥсүү киирбит. 

Бу туһунан СӨ ИДьМ пресс-сулууспата иһитиннэрэр. Ол курдук, 46 саастаах педиатр-быраас түөкүттэр албыннарыгар киирэн, 2,8 мөл.солк. ыыппыт. Кинини спецсулууспаттан эрийэбит диэн угаайыларыгар киллэрбиттэр. Итинник Дьокуускай олохтооҕор, атыы-эргиэн эйгэтигэр үлэлиир 34 саастаах киһиэхэ эмиэ эрийбиттэр. Кини 270 тыһыынчатыттан мэлийбит. Маны таһынан, 29 саастаах Дьокуускай олохтооҕо  178 тыһ.солк. албыппыт.

Нерюнгригэ түөкүттэр  62  саастаах охраннигы угаайыларыгар киллэрбиттэр. Киниэхэ МФЦ сотруднигабын диэн сымыйанан төлөпүөннээбиттэр. Ону итэҕэйэн бу киһи  350 тыһ.солк. мэлийбит.

Түөкүттэртэн сэрэниҥ.