Виктория Сергеева хаартыската, ЯСИА.
Биир дьахтар түөкүттэргэ харчытын ыытан баран, бэйэтигэр тиийинэ сыспыт… Бу туһунан ИДьМ пресс-сулууспата иһитиннэрэр.
Дьахтар улахан сууманы түөкүттэргэ бэйэтэ ыыппыт. Ол онтон ыксаан-ыгыллан, санаата түһэн, барар-кэлэр сирэ бүөлэнэн, бэйэтигэр тиийинэргэ санаммыт, ол туһунан кэлиэгэлэригэр алҕас быктарбыт. Кини үчүгэй үлэһит, арыгыны испэт, оҕотун бэйэтэ иитэр дьахтар эбит. Кэнники кэмҥэ настарыанньата улаханнык түспүтүн, санаарҕаабытын-самныбытын кэлиэгэлэрэ бэлиэтии көрбүттэр. Ыйыталаһан баран, полицияҕа биллэрэргэ санаммыттар.
Полицейскайдар дьахтар дьиэтигэр тиийбиттэригэр, түөкүттэр сиэртибэлэрэ бэйэтигэр тиийинэргэ бэлэм олорор эбит. Сиэмэх түөкүттэр тустарыттан оҕотун тулаайах хааллара сыспыт…
Оперативниктар кинини полицияҕа сайабылыанньа суруйарыгар сүбэлээбиттэр. Ол кэнниттэн оперативнай-көрдүүр үлэ саҕаламмыт.
«Албыннатан баран, кимтэн да сүбэ, көмө көрдүү сатаабакка, бэйэтэ бэйэтигэр бүгэн хаалбыт, улахан иэскэ ыйанан, олоҕо бүппүт курдук санаабыт. Хата, кэлэктиибин болҕомтолоох кэлиэгэлэрэ баар буолан, киһи олоҕун быыһаатылар», — диэн ИДьМ үлэһиттэрэ этэллэр.
Кэнники күннэргэ Саха сириттэн түөрт киһи түөкүттэр угаайыларыгар киирэн биэрдэ. Зырянка бөһүөлэгин олохтооҕо түөкүттэргэ 4,4 мөлүйүөн солкуобайы ыыппыт.
ИДьМ пресс-сулууспата.
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа эпиири ыытыаҕа. Судаарыстыба баһылыга…
Арассыыйаҕа кутталлаах ыарыыта суоҕун туһунан ыспыраапканы сымыйанан оҥоруу иһин холуобунай эппиэтинэһи киллэриэхтэрин сөп. Бу туһунан…
“Кыһыҥҥы сынньалаҥҥа оҕолор хас күн өрүүллэр?” – диэн төрөппүттэр ыйытыыларыгар РФ Үөрэҕириитин министиэристибэтэ бу курдук…
Арассыыйа бааннарын үгүс өттө, Киин Баан сүрүн ыстаапкатын боппуруоһугар кэлэр мунньаҕар диэри, ипотека ыстаапкатын намтатыыны…
Зеленскэй Донбасстан сэриитин таһаарарын утарар. Ол эрэн АХШ Украина куттала суох буолуутун мэктиэлиирин туруорсар. НАТО-ҕа…