Түөлбэ үлэтэ — нэһилиэк олоҕо

Горнай улууһун Одуну нэһилиэгин «Айтал» түөлбэтэ тэриллибитэ 30 сылын бэлиэтээтэ.

30 сыл устата түөлбэни нэһилиэк бары тэрээһиннэригэр, уопсастабыннай үлэҕэ көхтөөхтүк кытыннарар, салайар Жоржетта Текеянова сатабыллаахтык салайан кэллэ. Кини түөлбэ сайдыытыгар сүҥкэн кылаатын киллэрэн, дьону түмэн, элбэх үлэни ыытта.

Бу түөлбэ Бүтүн Арассыыйатааҕы “Бастың ТОС” күрэһэр успуорт номинациятыгар бастакы миэстэни ылбыта элбэҕи этэр. Бу курдук, ханнык баҕарар түмсүү салайааччытыттан олус тутулуктаах.

Ис-иһиттэн көхтөөх, дьоҥҥо үтүөнү баҕарар, төрөөбүт дойдута сайдарыгар кыһаллар Жоржетта Ивановна курдук дьон элбэх хамсааһыны таһаараллар.

Ксения Васильева,

Саха сирин түөлбэлэрин түмсүүтүн салайааччыта.

Одуну, Горнай.

Хаартыскалар ааптар тиксэриилэрэ