Түөлбэҕэ олоҥхо дуорайда

Горнай улууһугар Бэрдьигэстээххэ «Киин» түөлбэ олохтоохторо олоҥхо толоруутугар холоннубут.

Григорий Михайлович Тарасов -Тэкээнэй Уола суруйбут «Ала кулун аттаах Ала Туйгун Бухатыыр» олоҥхоттон быһа тардыыны икки нэдиэлэ устата үөрэттибит, бэлэмнэннибит. Дьэ уонна түөлбэлэр икки ардыларыгар ыытыллар сыллааҕы күрэспит тэрээһинин түмүктээтибит. Бу тэрээһиммитинэн буолаары турар «Олоҥхо дэкээдэтин» арыйдыбыт. Олоҥхону толорууга түөлбэбититтэн барыта аҕыс киһи кытынна.

Олоҥхо курдук уустук жанры аан маҥнай толорбут түөлбэбит олохтоохторун ортолоруттан саҥа талааннар арылыннылар диэн олус үөрдүбүт. Маны сэргэ, бу тэрээһиммит түөлбэ олохтоохторун сомоҕолуур, түмэр.

Айталыына Олесова,

түөлбэ салайааччыта.

Хаартыскалар Айталыына Олесова тиксэриилэрэ.