Түөрт оҕолоох ийэ көҥүлэ быһылынна

Кэбээйи улууһун олохтооҕо дьахтар алименнарын төлөөбөккө, көҥүлэ быһылынна. Бу туһунан СӨ Борокуратуурата иһитиннэрэр.

Суут быһаарбытынан, дьахтар эрдэ бу ыстатыйанан иккитэ сууттана сылдьыбыт, түөрт оҕону көрөрүгэр төрөппүт бырааба быһыллыбыт, алименнарын төлөөбөтөх. Үлэҕэ киирэ сатаабатах, дьарыктаах буолуу киинигэр сылдьыбатах уонна көннөрөр үлэни оҥорботох.

Алимеҥҥа иэһэ 400 тыһ.солк. тахсыбыт.

Бириигэбэр сокуоннай күүһүгэр киирэ илик.