Түөрт уоллаах эдэр аҕа Андрей Пивоваров — мэҥэлэр киэн туттуулара

Мэҥэ Хаҥалас улууһун чиэһин  көмүскээбит Андрей уонна Максим Пивоваровтар быйыл өрөспүүбүлүкэтээҕи «Аҕа күрэҕэр» аан бастакытын кыттаат, бочуоттаах 3-с миэстэҕэ тиксибиттэрэ.

Ыал аҕата Андрей Пивоваров 10 оҕолоох сис ыал кыра уоллара эбит. Онон киэҥ аймах сыдьааныгар убайа бочуоттаах миэстэлээх кыайыытынан анаан убаһа бэлэхтээтэ. Быйыл Андрей Пивоваров атын кыттааччылар «буочардарын» анаан  көрдө-үөрэттэ. Онон эһиилгиттэн бастакы миэстэттэн түспэтэ буолуо. Бу туһунан бээтин аатын дорҕоонноохтук ааттаппыт Андрей Пивоваров санаатын маннык үллэһиннэ:

— Быйыл»Аҕа күрэҕэр» аан бастакытын кыттаат, бочуоттаах 3-с миэстэҕэ таҕыстыбыт.  Түөрт уоллаахпын. Билигин да күрэхтэһэр баҕа баар. Атын кыттааччылар «буочардарын» анаан  көрдүм-үөрэттим. Хас көрүҥ аайы тиэхиньикэ эбит. Маска Амма Федоровтарыттан, Сунтаар Корниловтарыттан элбэххэ үөрэнним. Иккитэ-үстэ кыттыбыт уолаттар уопуттара олох “тыга” сылдьар. Саха киһитигэр оҕону иитиигэ өйөбүл буолар олус дириҥ ис хоһоонноох тэрээһин.

17 улуустан кэлбит дьон бэйэ-бэйэбитин кытта ыкса билистибит. Онон мантан инньэ мэҥэлэр ааттарын өссө да ааттатыахпыт.