Хаартыска: "Симэх" киин.
Сэтинньи 2-4 күннэригэр Благовещенскай куоракка Бүтүн Арассыыйатааҕы «Магия кукол» диэн быыстапка-куонкурус ыытылынна. Саха сирин маастардара манна кыайыы өрөгөйүн билэн, сүрүн бирииһи ылан кэллилэр.
Бу дойду үрдүнэн куукула маастардарын түмэр, айар үлэлэрин көрдөрөр-сырдатар улахан тэрээһин буолар. Ол иһин үгүс эрэгийиэннэртэн кытталлар.
Саха сирин «Кэрэли» кэлэктииптэн маастардар Каролина Парфенова уонна Маргарита Алексеева кытыннылар. Кинилэр «Тыгын Дархан» диэн композицияны туруорбуттар. Бу Далан «Тыгын Дархан» айымньытын уобарастарынан дьүһүйүллүбүт 25 куукулалаах композицияны араас маастардар оҥорбуттара. Манна былыргы саха таҥаһа-саба, киэргэлэ, ат симэҕэ, былыргы дьон итэҕэтиилээх уобарастара сөхтөрөр.
Быыстапкаҕа барыта араас ньыманан оҥоһуллубут 150-тэн тахса үлэ баара. Бурятияттан, Саха сириттэн, Забайкальскай кыраайтан, Приморскай кыраайтан, Амурскай уонна Сахалинскай уобаластартан кэлибт маастардар бэйэлэрин айар үлэлэрин билиһиннэрдилэр уонна кистэлэҥнэрин кэпсиир маастар-кылаастарын ыыттылар.
Куонкурус түмүгүнэн, «Кэрэли» кэлэктиип үлэтэ гран-при наҕараадатын ылла диэн «Симэх» норуот айымнытын киинэ иһитиннэрэр. Бу биһиги маастардарбыт талааннарын дойду үрдүнэн билинии буолар.
Чахчы, саха сатаабата диэн суох. Туохха барытыгар ылсыста да, ситиһиилэнэр. Бу маннык куукулалары маастардар уонча сыллааҕыта эрэ оҥорор буолбуттара уонна номнуо үрдүк таһымҥа таҕыстылар.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…
