Хаартыска ЫБММ пресс-сулууспатыттан
«Авиалесоохрана» тэрилтэ суһал дааннайынан өрөспүүбүлүкэ иһигэр 297 тыһыынча гектардаах сиргэ 138 баһаар баар.
«Ыксаллаах быһыы-майгы министиэристибэтин Кылаабынай управлениета Орто Халыма оройуонун Сылгы Ытар сэлиэнньэтин чугаһыгар турбут айылҕа баһаарын хонтуруолга ылан олорор. Баһаар 2200 гектар иэннээх сири сиэтэ. Баһаарга 80-н тахса киһи уонна 5 тиэхиньикэ үлэлиир, ол иһигэр Арассыыйа ЫБММ үлэһиттэрэ бааллар. Орто Халымаҕа Арассыыйа ЫБММ ууну ыһар тэриллээх Ми-8 ХАСЦ бөртөлүөтэ тиийэн үлэлиир», — диэн Ыксаллаах быһыы-майгы министиэристибэтин Саха сиринээҕи управлениетын салайааччыта Павел Гарин иһитиннэрэр.
Баһаарынай өттүнэн Томпо, Алдан, Уус- Маайа, Абый, Усуйаана, Үөһээ Дьааҥы, Өймөкөөн уонна Орто Халыма оройуоннара саамай уустук балаһыанньалаахтар.
Ыксаллаах быһыы-майгы министиэристибэтин Кылаабынай управлениета сүрүннээн күүһүн-күдэҕин, сыратын нэһилиэнньэлээх пууннары көмүскээһиҥҥэ, ону тэҥэ ойуур баһаарын умуруорууга уурар.
Ойуур баһаарын умуруорууга РФ ыксаллаах быһыыга-майгыга структураларын бары салааларыттан сууккаҕа 997-тэн тахса киһи уонна 64 тиэхиньикэ үлэлээтэ, эбии 143 киһи үлэлэһэр.
Ону сэргэ, Орто Халыма оройуонун Сылгы Ытар сэлиэнньэтин аттыгар турбут баһаары умуруорууга «Полярные авиалинии» хампаанньа Ми-8 ууну ыһар тэриллээх бөртөлүөтэ туһанылынна диэн Ыксаллаах быһыы-майгы министиэристибэтин пресс-сулууспата иһитиннэрэр.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…
Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан Ил Дархан Айсен Николаевы кытта…
Дьокуускайга ПСБ баан Саха Өрөспүүбүлүкэтигэр аан бастаан ыытыллыбыт “ЭтноРан.ЯКУТИЯ 2025” спортивнай-култуурунай сүүрүүнү өйөөн, тэрээһин анал…
ЫБММ пресс-сулууспата иһитиннэрбитинэн, балаҕан ыйын 17 күнүгэр түүн 02:13 ч. баһаарынай-быыһыыр сулууспаҕа Горнай улууһугар Аһыма…