Хаартыска: ЯСИА
Саха сиригэр анал байыаннай дьайыы 1059 бэтэрээнэ диспансеризацияны аастылар.
Бу туһунан СӨ Бырабыыталыстыбатын бэрэссэдээтэлин солбуйааччыта Георгий Степанов иһитиннэрдэ.
«Саха сиригэр олорор сирдэринэн анал байыаннай дьайыы кыттыылаахтарын диспансеризациялааһын уонна профилактическай мэдиссиинэ көрүүлэрэ ыытыллаллар. Бу үлэ эмиэ нэдиэлэ ахсын судаарыстыбаннай мэдиссиинэ тэрилтэлэринэн ыытыллаллар», — диэтэ Георгий Степанов.
Маны сэргэ Саха сиригэр байыаннайдарга уонна кинилэр дьиэ кэргэттэригэр аадырыстаах көмөнү оҥоруу үлэтэ салҕанар. Билигин 181 ыал олорор дьиэни гаастааһыҥҥа материальнай, 633 байыаннайдар санаторнай-курортнай эмтэниигэ, 474 гражданнар байыаннай сулууспалааччылар эмтэнэр сирдиэригэр тиийэллэригэр материальнай көмөлөр оҥоһулуннулар.
1148 байыас уонна кинилэр дьиэ кэргэттэрин чилиэттэрэ доруобуйа харыстабылын уонна социальнай хааччыйыы тэрилтэлэригэр реабилитациялааһыны аастылар. 383 киһи дьиэлэринэн социальнай өҥөнү туһаннылар.
Нэһилиэнньэ дьарыктаах буолуутун кииннэригэр үлэнэн хааччыйыыга 748 киһи, ол иһигэр 269 кыттааччы уонна кинилэр дьиэ кэргэттэрин 479 чилиэттэрэ тиийбиттэр. Онтон 158 киһи профессиональнай үөрэххэ ыытыллыбыт, 432 киһи үлэнэн хааччыллыбыт, диэн СӨ Ил Дарханын уонна Бырабыыталыстыбатын пресс-сулууспата суруйар.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …