Тыһыынчаттан тахса куортамҥа анаммыт кыбартыыра тутуллуоҕа

 “Уһук Илиҥҥи федеральнай уокурукка табыгастаах куортам дьиэтэ” бырагыраама иитинэн 1003 кыбартыыраны тутуохтара. Бу туһунан «Центр развития жилищных программ Республики Саха (Якутия)» АНО иһитиннэрдэ.

Бырайыак 4 куоракка үлэлиэҕэ. Ол курдук Дьокуускайга — 448, Алдаҥҥа — 145, Нерюнгригэ — 252,  Мииринэйгэ  –158 кыбартыыра баар буолуоҕа.

“Уһук Илин уокурукка табыгастаах куортам дьиэтэ” бырагырааманы дойду Аҕа баһылыга Владимир Путин көҕүлээһининэн,  Арассыыйа Уһук Илини сайыннарыыга, Үп, Тутуу министиэристибэлэрин кытта ДОМ.РФ олорор эйгэни сайыннарар биир кэлим  института олоххо киллэрэллэр.

Куортамнанар тоҕоостоох дьиэни тутуу Уһук Илин уокурукка олорорго уонна үлэлииргэ табыгастаах усулуобуйаны тэрийиигэ туһаайыллыбыт судаарыстыбаннай өйөбүл саҥа, эбии миэрэлэриттэн биирдэстэрэ буолар. Чэпчэтиилээх куортамынан эрэгийиэҥҥэ кэлэр исписэлиистэр эбэтэр Уһук Илин тэрилтэлэригэр үлэҕэ киирэр үрдүк үөрэҕи бүтэрбиттэр туһанар кыахтаахтар.

2025 сылга Дьокуускай куоракка – 141 кыбартыыраны, Нерюнгри куоракка – 192, Алдан куоракка – 28  кыбартыыраны тутар былааннанар.

Сиһилии https://www.sakha.gov.ru/news/front/view/id/3482214