Хаартыска sakha.gov.ru ылылынна
Тыһыынчаттан тахса ыал 2023 сылга чэпчэтиилээх бырагырааманан олорор усулуобуйатын тупсарда.
Бу туһунан СӨ Тутууга миниистирэ Виктор Романов: «2023 сыл түмүгүнэн чэпчэтиинэн туһанар категорияҕа киирсэр 1033 киһи олорор усулуобуйатын тупсарда. Манна уопсайа 2,15 млрд солк. ыытылынна, итинтэн 406 мөл.солк. кэриҥэ федеральнай бүддьүөттэн«, — диэн иһитиннэрдэ.
Былырыын 424 тулаайах уонна төрөппүт көрүүтэ суох хаалбыттар олорор дьиэнэн хааччыллыбыттар. Манна даҕатан эттэххэ, икки сыллааҕыта Ил Дархан Айсен Николаев көҕүлээһининэн саҕаламмыт, дьиэ сэртипикээтин мэхэньиисимэ киллэриллибитэ. Бу сэртипикээти бэйэ талыытынан хамсаабат баайга-дуолга атастаһыахха сөп. Маннык саҥаны киллэрии уочараты аҕыйатыыга уонна дьиэ ылааччылар сокуоннай бырааптарын олоххо киллэриини түргэтэтиигэ көмөлөөх буолбута.
Ону сэргэ, 2023 сыллаахха олорор усулуобуйаларын биэс уонна онтон элбэх оҕолоох 101 ыал, доруобуйаларыгар хааччахтаах уонна инбэлиит оҕолоох 35 киһи, бойобуой дьайыы 22 бэтэрээнэ тупсарыммыттара. Маны таһынан, Уһук Хоту оройуоннартан көспүт 81 ыалга уонна 370 эдэр ыалга дьиэ сэртипикээттэрэ бэриллибиттэр.
Санатар буоллахха, 2023 сыл түмүгүнэн Саха сиригэр аныгы үйэ устуоруйатыгар рекордунан буолбут 700 тыһ. кв.м. иэннээх олорор дьиэ үлэҕэ киллэриллибит. Ил Дархан Айсен Николаев эрдэ бэлиэтээбитинэн, 1990 сыллаахха элбэх дьиэ тутуллубута ыйыллар.
СӨ Ил Дарханын уонна Бырабыыталыстыбатын пресс-сулууспата
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…