Тылгыны уонна Маҥаас нэһилиэктэрин доҕордоһууларын 55 сыла бэлиэтэннэ

Share

Бу күннэргэ Үөһээ Бүлүүгэ Маҥаас уонна Бүлүү улууһугар Тылгыны олохтоохторо доҕордоһууларын 55 сылын бэлиэтээтилэр.

Бу туһунан Тылгыны нэһилиэгин баһылыга Егор Иванов маннык иһитиннэрдэ:

Аҕа уустарынан чугас икки нэһилиэк ыччаттара култуураҕа уонна успуорка күрэхтэһиилэри ыытан, бэйэ-бэйэҕэ ыалдьыттаһарга сүбэлэспиттэр. Ол курдук, ааспыт үйэҕэ, 1968 сыллаахха,  Тылгыныттан Конон Потапов, Василий Борисов, Маҥаастан Прокопий уонна Николай Максимовтар нэһилиэктэрбитин сомоҕолуур  кэскиллээх санааны ылыммыттара 21-с үйэҕэ тиийэ салҕанан ыытылла  сылдьар дьоһуннаах тэрээһининэн буолар. Ол үгэс бу сыллар тухары тутуһуллан кэллэ.  Дьиҥэр үбүлүөйбүтүн былырыын 2023 сылга бэлиэтиэхтээх этибит да, кэккэ төрүөтүнэн икки өттүттэн сүбэлэһэн баран, эһиилгигэ, ол аата быйылгы сылга көһөрбүппүт. Доҕордуу көрсүһүү биэстии сыл буола-буола ыытыллар. Соторутааҕыта Тылгыныттан 80-ча киһилээх дэлэгээссийэ тиийбиппитин, маҥаастар кыралыын-улаханныын, эдэрдиин-эмэнниин таһырдьа былаахтаах, саарыктаах көрсөн долгуттулар, үөртүлэр. Икки нэһилиэк «Тулхадыйбат доҕордоһуу көмүс долгуннара» диэн дьоро киэһэни тэрийэн ыыттыбыт.

Бу күн успуорт сахалыы көрүҥнэрин өрө туттубут, талааннаах бастыҥ дьоммут ырыаларын-тойуктарын тоҕо тардан кэбистилэр.

Маннык тэрээһин нэһилиэктэри, улуустары биир сомоҕо буоларга түмэр, хас биирдиибитигэр патриоттуу тыыны саҕар.

Аны биэстии сыл буолбакка, үстүү сыл буола-буола көрсүһэр санааҕа кэллибит. Онно үлэбит ис хоһоонун, ыытыллар үлэ көрүҥнэрин эбэн, сайыннаран иһиэхпит.
… Ити курдук,    Бүлүү улууһун Тылгыны уонна Үөһээ Бүлүү Маҥаас нэһилиэктэрин доҕордоһууларын, сомоҕолоһууларын үтүө холобура атыттары угуйдун, бары улуустарынан тарҕаннын!

Recent Posts

  • Сонуннар
  • Сүрүн

Ил Дархан нэдиэлэтэ: Айсен Николаев үлэтин сүрүн түгэннэрэ

Ахсынньы 29 күнэ. Ил Дархан Мэҥэ Хаҥалас улууһугар үлэлээтэ. Аллараа   Бэстээххэ учаастактааҕы балыыһа саҥа дьиэтэ…

10 часов ago
  • Итэҕэл
  • Сонуннар

Түүл суолтата утуйар уу хаамыытынан

Саха саныырынан, утуйар уу араастаах. Сылбай уу кэмэ -- киэһэ сыппыт кэннэ түүн үөһүгэр диэри.…

11 часов ago
  • Култуура
  • Сонуннар

Түбүктээх сыл үтүө түмүктэрэ

Хатас нэһилиэгэ сыллааҕы үлэни-хамнаһы түмүктүүр киэһэтэ буолан ааста Сылы түмүктүүр, ааспыты анаарар, буолбуту ырытар ахсынньы…

12 часов ago
  • Култуура
  • Сонуннар

Ат сылыгар төрөөбүт Лаверновтар

Өрөспүүбүлүкэҕэ биир саамай кэрэ кэргэннии паараларынан Айталина уонна Вячеслав Лаверновтар буолаллар. Томпо уонна Амма Кэрэ…

14 часов ago
  • Интэриэһинэй
  • Сонуннар

Кыһыҥҥы билгэ

Өбүгэлэрбит хайдах күн-дьыл буолуон эндэппэккэ билэллэрэ. Айылҕа араас көстүүтүн, оту-маһы, кыылы-сүөлү кэтээн көрөллөрүн туһунан элбэхтэ…

16 часов ago
  • Сонуннар
  • Уопсастыба

Атамайга — сэргэх тэрээһиннэр

Атамайга элбэх хайысхалаах кииҥҥэ сэргэх тэрээһин буолла. Тэрээһин бастакы чааһыгар Атамай нэһилиэгин түөлбэлэригэр бастыҥнары чиэстиир…

16 часов ago