Тылы сайыннарыыга бочуоттаах бэлиэ олохтонно

«Саха Өрөспүүбүлүкэтин төрөөбүт тылларын харыстааһыҥҥа уонна сайыннарыыга кылаатын иһин» бочуоттаах бэлиэ баар буолла. Бу бэлиэнэн тыл бэлиитикэтигэр, тыл култууратын сайыннарыыга, харыстааһыҥҥа үлэлээбит-хамсаабыт, ботуччу кылааттарын киллэрбит дьон наҕараадаланыахтара.

Бу саҥа наҕарааданы «СӨ судаарыстыбаннай уонна официальнай тылларын харыстааһын уонна сайыннарыы» судаарыстыбаннай бырагыраама чэрчитинэн,  СӨ тас сибээскэ, норуоттар дьыалаларыгар министиэристибэтэ олохтоото.

Бу судаарыстыбаннай быраагыраманы үбүлээһиҥҥэ, Ил Дархан сорудаҕынан, 100 мөлүйүөн солкуобай көрүллэр буолла.

Бэлиэ сахалыы ойуулаах-бичиктээх: көҕүөр ойуу, кинигэ, суруйар бөрүө, сэргэ, чороон ойууламмыттар. Кэнники өттүгэр күн сырдыгын, дьолу, этэҥҥэ буолууну көрдөрөр күн ойуу баар.