Түмэл аан дойдутааҕы күнүгэр

Бу бэлиэ күнү көрсө уонна музей нэдиэлэтинэн, түмэллэргэ тэрээһиннэр тиһиктээхтик салҕаналлар.

Бүгүн Дьокуускайга Былатыан Ойуунускай аатынан литература музейыгар сарсыардаттан босхо экскурсия саҕаланна. Маны сэргэ, ким баҕалаах хабылыкка, хаамыскаҕа оонньуохтара, маастар-кылаастар ыытыллыахтара. Бу ураты бэлиэ күнүнэн, түмэлгэ буолар тэрээһиннэри сиһилии манна көрүҥ.

Ем. Ярославскай аатынан Хотугу норуоттар историяларын уонна культураларын холбоһуктаах Саха судаарыстыбаннай түмэлигэр бүгүн РФ худуоһунньуктарын сойууһун чилиэнэ, худуоһунньук-керамист Мария Гуляева-Туойа уонна кини үөрэнээччилэрин “Өбүгэ саҕаттан туой тойуга” быыстапка, Хаарчаана Баппаҕай куукулалара сэҥээриини ылыахтара. Оттон киэргэл оҥоро үөрэниэхтэрин баҕалаахтары маастар-кылаас күүтэр. Бүгүҥҥү тэрээһиннэри манна көрүҥ. Күҥҥүтүн туһалаахтык атаарыҥ.