Хаартыска: П.А.Ойуунускай аатынан түмэлтэн
Саха сиригэр түмэл нэдиэлэтэ өрүү да буоларын курдук, өрө көтөҕүллүүлээхтик, сэргэхтик ыытыллар. Олус интэриэһинэй тэрээһиннэр, күрэхтэһиилэр, ураты быыстапкалар болҕомтону тардаллар.
Нэдиэлэ саҕаланыыта, Дьокуускайга П.А.Ойуунускай аатынан литература түмэлигэр оскуола оҕолоро түмүстүлэр. Манна «Саха литературатын төһө билэҕин?» диэн диэн квиз-оонньуу болҕомтону тарта. 1 №-дээх оскуола 5 кылааһын үөрэнээччилэрэ (кылаас сал. Анна Даниловна Попова) күрэстэстилэр, билиилэрин-көрүүлэрин тургуттулар. Оонньууну түмэл үлэһитэ Артем Осипов ыытта.
Күөн күрэскэ «Үрдэл» уонна «Алгыс» диэн икки хамаанда кытынна. Оҕолор ыйытыыларга хоруйдаатылар. Барыта 9 ыйытыы бэрилиннэ. Холобур, “Сэтинньи 10 күнүгэр суруйааччылартан ким 130 сааһын туолбутай?”, “П.А. Ойуунускайы суруйар идэҕэ ким уһуйбутай?” диэн ыйытыылар бэрилиннилэр. Түмүккэ «Үрдэл» хамаанда бастаата. «Алгыс» — иккистээтэ. Дьүүллүүр сүбэ хас биирдии үөрэнээччигэ квиз-оонньууга кыттыбыттарын иһин туоһу суруктары туттарда.
Түмэл нэдиэлэтин иитинэн П.А.Ойууунускай аатынан литература түмэлигэр быыстапкалар, квиз-оонньуулар, суруйааччылар дьиэ кэргэттэрин кытта көрсүһүүлэр, Ойуунускай балаҕаныгар, мемориальнай дьиэтигэр экскурсиялар ыытыллыахтара.
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…
Тохсунньу – Таҥха Хаан Айыы ыйа. Тохсунньу тутула Тохсунньуну былыр бүтэй кэм дииллэрэ. Хотугу сахалар…
Саха сиригэр саҥа сыл саҕаланыытыгар тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …