Түмэл тэрээһинигэр түмсүөхтэрэ

Дьокуускайга П.А.Ойуунускай аатынан литература түмэлигэр бүгүн, сэтинньи 3 күнүгэр, күнүс 14.00 ч. «Дружба литератур – дружба народов» күрэс түмүгүн таһаарыахтара.

Кыайыылаахтарга бэртээхэй кинигэлэр бириис быһыытынан туттарыллыахтара. Маны сэргэ, биллэр-көстөр ааттаах-суоллаах худуоһунньуктар: А.Бочкарева — Иннокентьева-Сууралдьыма, Л. Гоголева, Н. Федулова, Г. Окоемова хартыыналарын быыстапката, атыы-тутуу буолара былааннанар. Мустубут ыалдьыттарга «Классики литератур разных народов» квиз-оонньуу ыытыллыаҕа. Супер-бириис — худуоһунньук Лена Гоголеваттан «Боги-Айыы» үлэтэ туттарыллар. Учуонай Иннокентий Пухов тус бибилэтиэкэтиттэн «Эпосы народов мира» кинигэ быыстапката болҕомтону тардыаҕа.