Хаартыска: М.Крылов тус архыыбыттан.
Өлүөнэ остуруогун сөргүтэр туһунан идиэйэни Д.К. Сивцев-Суорун Омоллоон 1980 сылларга оччотооҕу обкомҥа киллэрэн, Уус Алдаҥҥа Суотту сиригэр түмэли аһаҕас халлаан анныгар тутарга эппитэ.
1986 сыллаахха өрөспүүбүлүкэтээҕи саха тылын уонна литэрэтиирэтин учууталларын сэминээрдэригэр сылдьыбытым. Сэминээри Раиса Реасовна Кулаковская ыыппыта, онно кинини саҥа көрбүтүм. Оччолорго мин 1982 сылтан Мүрү 1 №-дээх орто оскуолатыгар саха тылын уонна литэрэтиирэтин, ырыа уонна муусука учууталынан үлэлии сылдьар кэмим этэ. Оскуолаҕа саха тылын уонна литэрэтиирэтин үс учуутала баарбыт да, завуһум Ия Петровна Рыбкина миигин талан сэминээргэ ыыппыта.
1990 сыл сааскы каникулга миигин оройуоннааҕы сэбиэккэ ыҥыран ылбыттара. Онно тиийбитим, сэбиэт бэрэссэдээтэлэ Гаврил Гаврильевич Никифоров уонна Раиса Реасовна Кулаковская бааллара. Онно кинилэр түмэл тутуллуохтаах маһын Өлүөхүмэттэн кыайан аҕалбатахтара үһүс сыла буолбутун кэпсээбиттэрэ. Инньэ гынан, Өлүөхүмэҕэ тиийэн леспромхоһу кытта дуогабардаһан, түмэл тутуллар маһын тиэйтэрэн Суоттуга аҕалтарыахтааҕым туһунан сорук туруоруллубута. Түмэл тутуллар маһа тиит, уһуна 12 миэтэрэ буолуохтааҕа.
Оннук соруктаах Өлүөхүмэ куорат леспромхоһугар тиийэн райком уопсай отделыгар үлэлиир Валентин Георгиевич Корнилов сүбэтинэн-аматынан дуогабар түһэрсибитим. Ол сайын, 1990 сыл бэс ыйыгар, бастакы үс баржа мас Суотту биэрэгэр кэлбитэ. Онтон түмэл тутуута саҕаламмыта.
Бу өйдөөтөхпүнэ, кыл-мүччү аҕалтарбыт эбиппит. Сэбиэскэй былаас эстиэн, харчы уларыйыан иннинэ мас барыта Суотту кытылын булбут. Онон түмэл тутуллуутугар кыттыгастаахпынан киэн туттабын.
Үс суруйааччыны хаартыскаҕа түһэрэн үйэтитии
1986 сыллаах сэминээргэ сылдьан үс саха суруйааччытын хаартыскаҕа түһэрэн үйэтиппитим. Бу хаартыска бэйэм архыыппыттан ылылынна. Хаартыскаҕа (уҥаттан хаҥас) Социалистическай Үлэ Дьоруойа Д.К.Сивцев-Суорун Омоллоон, норуодунай суруйааччы Владимир Михайлович Новиков-Күннүк Уурастыырап, Реас Алексеевич Кулаковскай көстөллөр.
Макар Крылов, педагогическай үлэ бэтэрээнэ.
Сэтинньи 4 күнүгэр, Боҕоруодьусса Казанскай иконатын бырааһынньыктыыр күҥҥэ, Томмот куорат храмын настоятелэ, иерей Вячеслав Канинин…
Өрөспүүбүлүкэ үөрэҕин уонна наукатын миниистирин бастакы солбуйааччы Ньургун Павлов "Якутия24" ханаалга "Актуальное интервью" биэриигэ үөрэх…
Ааспыт ый ортотугар Мэдиссиинискэй реабилитацияҕа уонна спортивнай мэдиссиинэҕэ өрөспүүбүлүкэтээҕи киинин үлэһиттэрэ, тэрилтэлэрин территориятыттан кыракый куттаммыт …
Ааспыт өрөбүллэргэ Госавтоиниспиэксийэ автопатрула "Бүлүү" федеральнай суол кытыытыгар массыына турарын бэлиэтии көрбүттэр. Онно суоппар дьахтар…
Бүгүн, сэтинньи 8 күнүгэр, өрөспүүбүлүкэ баһыйар үгүс өттүгэр хаардыаҕа. Өймөкөөҥҥө сөҥүү түһэрэ күүтүллүбэт. Өлүөнэ аллараа…
Субуота – Сатурн салайар күнэ. Бу планета дьиссипилиинэни, эппиэтинэһи, тутулу уонна бэрээдэги ирдиир. Ол иһин…