«Түмэл түүнэ» үгүс дьону түмтэ
![](https://sakha-sire.ru/wp-content/uploads/2024/05/img-20240518-wa0077-1060x596.jpg)
Емельян Ярославскай аатынан түмэлгэ Аан дойдутааҕы түмэл күнүгэр анаммыт »Түмэл түүнэ» тэрээһиҥҥэ элбэх интэриэһинэй экскурсиялар, маастар-кылаастар буоллулар.
Улахан интэриэһи култуура, ускуустуба эйгэтин биллэр дьоно — ырыаһыттар Далаана, Лэгэнтэй, артыыстар Татьяна Легантьева, Ньургуйаана Шадрина, Ньургун Бэчигэн, ыытааччы Георгий Белоусов, учуонайдар, археологтар, этнографтар экскурсияны ыыппыттара тарта.
— Түмэл — норуот устуоруйатын хараама эрэ буолбатах, манна култуурунай, духуобунай баайбыт харалла сытар. Онон кыра эрдэхпиттэн түмэлгэ долгуйа, элбэҕи билэ-көрө кэлэбин. Оҕо сылдьан куоракка кэллэхпитинэ, аан бастаан түмэлгэ кэлэр этибит. Бүгүн үрүҥ көмүс симэхтэр тустарынан кэпсээтим. Бэлэмнэнэн, элбэҕи аахтым, биллим. Маннык тэрээһиннэр ыытыллаллара олус интэриэһинэй, — диэн Татьяна Легантьева кэпсээтэ.
Бу киэһэ түмэл тэлгэһэтигэр тимир болгуону былыргы ньыманан уһаарыы, »Якуцкъ» дубель-шлюпка иһигэр экскурсия, коллекционердар быыстапка-дьаарбаҥкалара, бастакы идэтийбит худуоһунньук Иван Попов сыдьааннарын, режиссер Любовь Борисованы кытта көрсүү, »Кэрэни көрбүт» киинэни көрдөрүү, уо.д.а. буолла.
Биир билиэти атыылаһан баран, түмэл 3 этээһинэн экспозициялары бүтүннүү кэрийэ сылдьан көрүөххэ, элбэх экскурсияларга сылдьыахха сөп. Манна ойуун кыырыыта, эбээн ыччатын үҥкүүтэ, о.д.а эмиэ буолан, дьону сөхтөрдө.
![](https://sakha-sire.ru/wp-content/uploads/2024/05/img-20240518-wa0077.jpg)
![](https://sakha-sire.ru/wp-content/uploads/2024/05/img-20240518-wa0082.jpg)
![](https://sakha-sire.ru/wp-content/uploads/2024/05/img-20240518-wa0078.jpg)
![](https://sakha-sire.ru/wp-content/uploads/2024/05/img-20240518-wa0074.jpg)
![](https://sakha-sire.ru/wp-content/uploads/2024/05/img-20240518-wa0080.jpg)
![](https://sakha-sire.ru/wp-content/uploads/2024/05/img-20240518-wa0083.jpg)
![](https://sakha-sire.ru/wp-content/uploads/2024/05/img-20240518-wa0076.jpg)
![](https://sakha-sire.ru/wp-content/uploads/2024/05/img-20240518-wa0079.jpg)
![](https://sakha-sire.ru/wp-content/uploads/2024/05/img-20240518-wa0081.jpg)
![](https://sakha-sire.ru/wp-content/uploads/2024/05/img-20240518-wa0075.jpg)
Тэрээһин дьон түмэллэргэ сылдьарыгар, устуоруйаҕа интэриэһэ күүһүрэригэр туһуланар.
Сообщить об опечатке
Текст, который будет отправлен нашим редакторам: