Хаартыска: ЯСИА.
Куоракка да олорон, охсуллубут от сытынан дуоһуйа тыыныаххын, хадьымалынан хаамыаххын, хотуурунан от охсуоххун баҕараҕын? От ыйын 15 күнүгэр Ярославскай аатынан Дьокуускайдааҕы түмэл «Окко киирии» диэн этнографическай тэрээһини ыытар.
«Ордук кэрэ от ыйа —
Унаар сайын оройо!»
Леонид Попов.
От ыйын ортотуттан сахалар окко киирэллэр. Бөтүрүөп күнүн кэнниттэн Хотуур иччитин аһатар туому оҥороллоро. Бу күн ыаллар бэйэ-бэйэлэрин саламаатынан күндүлээн, кымыһы эбэтэр быырпаҕы иһэллэрэ уонна окко киирии саҕаламмытын бэлиэтииллэрэ.
Оҕо сылдьан оттообут дьон сайын аайы ону ахтар-саныыр буолуохтаахтар. Оттон куоракка да олорон, окко киирии туомун толоруохха, төрүт үгэһи сөргүтүөххэ сөп эбит.
Дьокуускайдааҕы түмэл тэлгэһэтигэр от ыйын 15 күнүгэр сарсыарда 11 чаастан «Окко киирии» сиэрэ-туома оҥоһуллуоҕа. Ким баҕалаах бары оту охсон, мунньан, бэйэтин холонон көрүөн сөп.
12 чаастан П.И. Сивцев аатынан Намнааҕы устуоруйа-этнография түмэлин үлэһиттэрэ “Алаас ааттаах, хотуур суоллаах” диэн документальнай киинэни көрдөрүөхтэрэ.
Тыа хаһаайыстыбатын наукатын дуоктара Константин Степанов «Төрүт ас туһата билим чинчийиилэригэр олоҕуран» диэн тиэмэҕэ бэсиэдэни ыытыаҕа.
Күнүс 1 аҥаар чаастан күөрчэҕи ытыйыыга маастар-кылаас буолуоҕа. Баҕалаахтар амсайыахтарын сөп. 2 чаастан диетолог, мэдиссиинэ наукатын хандьыдаата Анастасия Саввинаны кытта “Аныгы мэдиссиинэ эт уонна үүт аска көрүүлэрэ” диэн тиэмэҕэ кэпсэтии буолуоҕа.
Маны тэҥэ, түмэл пуондатыттан «Хотуур – тэлэр дарыгым» быыстапка туруоҕа. Хаартыскаҕа түһэр сир баар буолуоҕа, остуол оонньууларын тэрийиэхтэрэ, алаадьынан күндүлүөхтэрэ.
Олохтоох оҥорон таһаарааччылар бородууксуйаларын быыстапкалара, атыылара баар буолуоҕа.
Сыаната: улахан киһи билиэтэ – 500 солк., оҕолорго – 150 солк.
Бээтинсэ түүнүгэр Дьокуускайга салгын температурата -26...-28 кыраадыска диэри тымныйыаҕа. Күнүс Саха сиринээҕи гидрометеосулууспа кыралаан хаардыырын…
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…