Андрей Сорокин хаартыската, СИА.
Бүгүн тохсунньу 31 күнүгэр, саха итэҕэлинэн, Тымныы оҕуһун муоһа кыларыйар, уһуга тостон сыппыыр. Тоҕус ыйдаах кыһыммыт томороон тымныыта кыратык да буоллар уҕарыйар. Саха омугар кыһын Тымныы оҕуһун уобараһынан бэриллэр. Атыннык Дьыл оҕуһа диэн эмиэ ааттанар. Саха киһитэ, былыр, кыһыны туораатаҕына, дьыл бүттэ диэн ааҕара, саҥа сылга үктэнэрэ.
Тымныы оҕуһун «былааһа» сыппааһынын туһунан бэлиэтээһиннэр:
Тохсунньу 31 күнэ — кылаана кыларыйар.
Олунньу 12 күнэ — оҕус бастакы муоһа тостон, ыарыыланар, тымныы түһэр.
Олунньу 24 күнүгэр иккис муоһа тостор, онон тымныы мүлүрүйэр.
Кулун тутар 7 күнүгэр моонньоох баһа быстар. Халлаан тыалырар. Хаҕыс күннэр тураллар. Кулун тутар 19 күнүгэр – оҕус көхсө тостон, салгын сылыйан барар. Гаврил Угаров этэринэн, Тымныы оҕуһа моонньоох баһа быстыбат, өлбөт, Хотугу муустаах байҕалга түһэр уонна онно сайылаан, күүс-уох мунньунан баран кыһын төннөн кэлэр.
Көстөрүн курдук, барыта 12-лии күнүнэн быысаһан сааспыт кэлэр. Сылаас күннэргэ дылы хаалбыт 48 күҥҥэ сылаастык таҥнын, Тымныы оҕуһа өссө да “күүстээх”.
Бүгүн былааннары олоххо киллэрэргэ табыгастаах кэм. Бу күн бэрээдэги, эппиэтинэстээх буолууну ирдиир. Ол эрээри, Ый…
Саха сирин синоптиктарын иһитиннэриитинэн, бүгүн, тохсунньу 10 күнүгэр, өрөспүүбүлүкэҕэ соҕуруулуу-арҕаа, соҕуруу, илин өттүгэр кыралаан хаардыыр,…
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…