Хаартыска: Айаал Неустроев тиксэриитэ.
Кулун тутар 28-30 күннэригэр Өймөкөөн улууһун Томтор, Өймөкөөн уонна Сордоҥноох нэһилиэктэригэр “Тымныы полюһугар Өймөкөөҥҥө айан-2025” үгэс буолбут кыһыҥҥы туризм бэстибээлэ ыытыллар.
Туристары түмэр бэлиэ тэрээһини СӨ предпринимательствоҕа, эргиэҥҥэ уонна туризмҥа министиэристибэтэ уонна Өймөкөөн улууһун дьаһалтата тэрийдилэр. “Тымныы полюһугар Өймөкөөҥҥө айан-2025” үгэс буолбут кыһыҥҥы туризм бэстибээлин суолтатын туһунан Өймөкөөн улууһун дьаһалтатын баһылыгын бастакы солбуйааччы Алексей Федотов маннык кэпсээтэ:
– Өймөкөөн улууһа Тымныы полюһунан аатырарыгар кыһыҥҥы туризм бэстибээлэ улахан өҥөлөөх. Бу тэрээһин улахан кыахтаах улуус ураты айылҕатыгар, култууратыгар туристары угуйан, туризмы сайыннарыыга көмөлөһөр. Өймөкөөн улууһун дириҥ ис хоһоонноох устуоруйата, аатырбыт Лабынкыр күөлүн дорҕоонноох албан аата, ыраас уулаах Индигир өрүһэ, Муус-Хайа чыпчаала, Тымныы хаһаайына Чысхаан Резиденцията, Өймөкөөн 1-кы гильдиялаах меценат-атыыһыта Ньукулай Кырбаһааҥкын, Өймөкөөҥҥө сэттэтэ сылдьыбыт Алексей Кулаковскай-Өксөкүлээх Өлөксөй бэлиэ сирдэрэ – бу барыта ытык Өймөкөөн туристары сөхтөрөр, долгутар мэҥэ өйдөбүнньүктэрэ.
Сыл бэлиэ тэрээһинигэр СӨ предпринимательствоҕа, атыыга-эргиэҥҥэ уонна туризмҥа миниистирин солбуйааччы Мария Карпова уонна СӨ туризмы сайыннарыыга уонна территориальнай маркетинг агентствотын генеральнай дириэктэрэ Спиридон Сивцев кыттыыны ылыахтара. Өрөспүүбүлүкэҕэ ыытыллар туризм салаатыгар үлэни сүрүннүүр салайааччылар туристарга бары көрүҥнээх өҥөнү оҥорор олохтоох урбаанньыттары кытта көрсүөхтэрэ. Кэпсэтии сүрүн тиэмэтинэн улуус салалтатын таһымыгар быйыл бигэргэммит туризмы сайыннарыы өрөспүүбүлүкэтээҕи Стратегия чэрчитинэн Өймөкөөн улууһугар туризм боппуруостарыар олохтоох кэпсэтии буолуоҕа. Маны таһынан, кыһыҥҥы туризм бэстибээлин ыытыыга саҥа көрүҥнэри уонна ньымалары тобулуохпут, сонун сүүрээннэри, саҕахтары дьүүллэһиэхпит. Дьон өйүгэр-санаатыгар хаалбыт Өймөкөөн сиригэр ыытыллыбыт Олоҥхо Ыһыаҕын тэҥэ, быйылгы бэстибээл туристарга эмиэ умнуллубат өйдөбүлү хаалларыаҕа.
Кыһын дьиэбит иһэ сылаас, сырдык да буоллар, түннүккэ турар үүнээйилэргэ уустук кэм. Тымныы түннүктэн хаарыйар…
Арассыыйа эрэгийиэннэрэ сири сайыннарыы эргэ стратегиятыттан, ордук сатабыллаах уонна уопсастыбаннай эйгэттэн экэниэмикэ үрдээһинигэр, туризмҥа тиийэ…
Ньурба тыйаатырын айар бөлөҕө ахсынньы 8 күнүттэн Үөһээ Бүлүү-Бүлүү-Бэрдьигэстээх-Дьокуускай-Тулагы-Маҥарас-Ньурба маршрутунан гостуруолга туруммута. Артыыстар Үөһээ Бүлүү…
Жатайга 27 саастаах итирик дьахтар күрэппит массыынатынан саахалга түбэспит уонна утарсыбыт. Ол иннинэ кини таксыыска…
Бырааһынньыктааҕы күннэргэ үлэ биэрээччи үлэһиккэ куттала суох үлэ усулуобуйатын хааччыйыахтаах. Бу үлэ харыстабылын нуорматын тутуһууну,…
Сэтинньигэ уонна ахсынньыга Дьокуускай куорат үс олохтооҕуттан ИДьМ «Дьокуускайдааҕы» управлениетын 2-с №-дээх полициятын отделыгар уоруу…