Бүгүн Өймөкөөн улууһун бары нэһилиэктэригэр Улуу Кыайыы күнүнэн тыыл бэтэрээннэрин эҕэрдэлээтилэр, бэлэх туттардылар.
Биэрэк Үрдүн 93 саастаах ытык олохтооҕо Гаврил Аммосов — нэһилиэгэр соҕотох тыыл бэтэрээнэ. Гаврил Семенович «Өймөкөөн» сопхуоска эдэр сааһыттан суоппардаан, улууһун социальнай-экэнэмиичэскэй сайдыытыгар дьоһуннаах кылаатын киллэрбитэ. Үлэ киһитин сыаналаан, Гаврил Аммосовка Өймөкөөн улууһун Бочуоттаах олохтооҕун аатын иҥэрбиттэрэ. Алта оҕотуттан улахан кыыһа Анна Н.О. Кривошапкин аатынан Өймөкөөн орто оскуолатын убаастанар учуутала. Свердловскайга олорор уола Григорий, Нерюнгригэ олорор кыыһа Акулина — эмчиттэр, иккиэн интернациональнай дьиэ кэргэттэр. Орто кыыс Надежда — фармацевт, кыра кыыһа Татьяна ийэтин туйаҕын хатаран, иитээччи. Уола Гаврил бэйэтин курдук эмиэ убаастанар суоппар.
Гаврил Семенович Улуу Кыайыы күнүгэр тус олоҕун, тахсыылаах үлэтигэр ситиһиитин туһунан маннык иһирэхтик ахтар:
Бүгүн, улуу Кыайыы күнүгэр, Гаврил Семенович бу анаан уһултаран эппит этиитэ улуустааҕы бассаап бөлөхтөрүнэн киэҥник тарҕанна. Биир дойдулаахтара ытык киһилэрин санаатын истэн, олуһун астыннылар.
Тымныы полюһун Өймөкөөн улууһун Бочуоттаах олохтооҕо Гаврил Аммосов бүгүҥҥүтүн курдук өрүү үөрэ-көтө сылдьарыгар, тапталлаах оҕолорун, сиэннэрин, аймахтарын, биир дойдулаахтарын тапталларыгар угуттанан, дьоллоохтук олороругар баҕарабыт!
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…