Хаартыска: pxhere.com
Быйыл Өймөкөөн улууһугар кыстыкка эбийиэктэри бэлэмнээһиҥҥэ “Сахаэнерго” уонна “Теплоэнергосервис” акционернай хампаанньалар исписэлиистэрэ тэтимнээх үлэни ыыталлар.
«Сахаэнерго» АУо пресс-сулууспата иһитиннэрбитинэн, кыстыкка бэлэм тэрилтэ аайы анал олохтоммут кыраапыгынан ыытыллар. Ол курдук, быйыл Өймөкөөн нэһилиэгэр уонна Куйдуһуҥҥа «ЭНЭЛТ Групп» инвесторы кытта «Сахаэнерго» АУо икки саҥа эбийиэги тутар бырайыагы олоххо киллэриигэ ылыста. Бу автоматизированнай “гибриднэй” дэнэр энергокомплекстарга дизельнай генератордартан ураты күн батареяларын уонна электрическэй энергияны мунньар систиэмэни үлэлэтиэхтэрэ. Өссө биир күн ыстаансыйата Томпо улууһун Тополинайыгар үлэҕэ киириэҕэ. Бу эбийиэги Өймөкөөн улууһун энергетиктэрэ ыыталлар. Орто-Балаҕан нэһилиэгэр күн уотунан үлэлиир ыстаансыйа кыамтатын улаатыннарар туһугар эбии күн итиитэ үлэлэтэр панеллэрин туруоруохтара.
«Теплоэнергосервис» АУо үлэһиттэрэ эмиэ эргэрбиттэри солбуйар саҥа хочуолунайдары туталлар уонна туһанааччылары ситимниир саҥа ресурсалары арыйаллар. Бүгүҥҥү күҥҥэ Биэрэк Үрдүгэр инвестиционнай бырагыраама чэрчитинэн сылааһы биэрэр саҥа эбийиэги тутуу салҕанар.
Саҥа хочуолунай кыамтата – 3,75 МВт, ититэр ситимнэр уһуннара 7 км аһарыаҕа. Бу эбийиэк быйыл күһүн 50 чааһынай дьиэ олохтооҕун сылааһынан хааччыйыаҕа. Бырайыак уратыта – ууну мунньар емкость кыамтата улаатыыта.
Былырыын Томтор нэһилиэгэр “Рабочай” переулокка теплоэнергетиктэр саҥа хочуолунайы үлэҕэ киллэрбиттэрэ. Итиини биэрэр эбийиэк 30-тан тахса чааһынай дьиэни сылааһынан хааччыйар. Бу иннинэ Томтор олохтоохторо дьиэлэрин оһоҕунан сылыталлара. Өймөкөөн улууһун нэһилиэнньэтэ барыта кэриэтэ кииннэммит сылааһынан уонна уунан хааччыйыыга көспүтүн бэлиэтиир тоҕоостоох.
Дьокуускай куоракка Муниципальнай тэриллиилэр бэрэстэбиитэллээх уорганнарын, дьокутааттарын 3-с сийиэһэ буола турар. Сийиэс үлэтин чэрчитинэн, Ил…
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…