Салгыы
Тымныы полюһугар туризм сайдыытын түстүүр сонун тэрээһин былааннанар

Тымныы полюһугар туризм сайдыытын түстүүр сонун тэрээһин былааннанар

25.03.2024, 20:51
Хаартыска - yk24.ru
Бөлөххө киир:

Кулун тутар 30-31 күннэригэр Өймөкөөн улууһугар “Тымныы полюһа – Өймөкөөн” кыһыҥҥы туризм бэстибээлигэр урбаанньыттар пуорумнара ыытыллыаҕа.  

Быйыл пуорум чэрчитинэн биир сонун сүүрээнинэн туризмынан дьарыктанар дьоҥҥо анаан практическай сиэссийэ ыытыллара былааннанар. Тэрийээччилэр иһитиннэрбиттэринэн, кыттааччылар 8 бөлөххө хайдыһан, улуус нэһилиэктэригэр ханнык туристическай хайысхалары сайыннарыахха сөбүн торумнуохтара.

Ол курдук, 1-кы бөлөх кыттааччылара (Томпо, Таатта, Чурапчы улуустарын урбаанньыттара) — “Халыма” федеральнай айан суолун устатыгар араас өҥөнү (сервис) оҥоруу хайысхатын дьүүллэһиэхтэрэ.

2-с бөлөх кыттааччылара (Уус Ньара бөһүөлэгин баһылыгын э.т., урбаанньыттар) «Уус Ньара – көхтөөх сынньалаҥ киинэ» тиэмэҕэ хайыһар баазатын оҥоруу, альпинизм, хайаҕа ыттыы, уунан устуу боппуруостарын быһаарыахтара.

3-с бөлөх кыттааччылара (Өймөкөөн нэһилиэгин баһылыга, урбаанньыттар, тэрилтэлэр салайааччылара) — «Өймөкөөн – кыһыҥҥы куруорт» бырайыагы торумнуохтара.

4-с бөлөх кыттааччылара (Томтор нэһилиэгин баһылыга, урбаанньыттар, тэрилтэлэр салайааччылара) «Тымныы хаһаайына Чысхаан резиденцията» бырайыак чэрчитинэн нэһилиэккэ туризмы сайыннарар эбийиэктэри ырытыахтара.

5-с бөлөх кыттааччылара (Сордоҥноох нэһилиэгин баһылыга, урбаанньыттар, тэрилтэлэр салайааччылара) «Сордоҥноох – маастардар түөлбэлэрэ» бырайыагы дьүүллэһэн баран көмүскүөхтэрэ.

6-с бөлөх кыттааччылара (Үчүгэй нэһилиэгин баһылыга, урбаанньыттар, тэрилтэлэр салайааччылара) «Үчүгэй нэһилиэгэ – эбээн култууратын киинэ» бырайыакка этиилэри киллэриэхтэрэ.

7-с бөлөх кыттааччылара (туристары кытта үлэлиир урбаанньыттар) Өймөкөөн улууһугар баар туристическай бэлиэ сирдэр баазаларын (Лабыҥкыр, Хороту, Муус-Хайа, таба ыстаадалара) тустарынан дьүүллэһиэхтэрэ.

8-с бөлөх кыттааччылара (улуус салалтата, дьокутааттар, тэрилтэлэр салайааччылара) «Тымныы полюһа Өймөкөөн – ураты климатическай статус» туһунан сокуону көҕүлээһин боппуруоһун үөрэтиэхтэрэ.

Хас биирдии бөлөх бэйэтин бырайыагын 6 мүнүүтэ иһигэр көмүскээн баран, докумуон быһыытынан оҥорон, Урбаан пуорумун тэрийэр хамыыһыйаҕа туттарыаҕа.

Ити курдук, Тымныы полюһа Өймөкөөн урбаанньыттарын үлэлэригэр төһүү буолар хайысхалары пуорум кыттааччылара бары бүттүүн сүбэлэһэн тобулуохтара.

yk24.ru

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
19 апреля
  • 4°C
  • Ощущается: 1°Влажность: 45% Скорость ветра: 4 м/с

Сообщить об опечатке

Текст, который будет отправлен нашим редакторам: