Хаартыска -- "Томтор олохтоохторо" социальнай ситимтэн.
Сарсыҥҥыттан, сэтинньи 27 күнүттэн ахсынньы 3 күнүгэр диэри, үгэс буолбут «Кыһын Саха сириттэн саҕаланар» кыһыҥҥы туризм бэстибээлэ саҕаланыаҕа.
Бу сайыҥҥы ыһыахпыт тэҥэ, тымныы түһэр бастакы күннэригэр — сэтинньи бүтэһигэр, ахсынньы саҥатыгар ыытыллар Саха сирин биир суолталаах култуурунай тэрээһинэ буолар. Быйылгы бэстибээлгэ 76 араас тэрээһин ыытыллара былааннанар.
Ааттаах-суоллаах тэрээһиннэр ыытыллар сирдэрэ быйыл уларыйда. Ол курдук, дьон сөбүлээн сылдьар «Строганина» балык кыһыытын бырааһынньыга урукку курдук «Өрөгөй» успуорт уораҕайыгар буолбакка, быйыл Ю.А.Гагарин аатынан култуура уонна аныгы ускуустуба киинигэр буолуоҕа. Кыһыҥҥы таҥас күрэһэ — «Арчы» дьиэтигэр.
Ахсынньы 1-кы күнүгэр Ленин болуоссата саҥардылларынан сибээстээн, өрөспүүбүлүкэ Харыйатын уотун күлүмэрдэтии бырааһынньыга Доҕордоһуу болуоссатыгар Суорун Омоллоон аатынан опера уонна балет тыйаатырын иннигэр ыытыллыаҕа.
Сүрүн тэрээһиннэр Дьокуускай куоракка буолуохтара. Ол эрээри бары улуустарга суолталаах кыһыҥҥы туризм бэстибээлин чэрчитинэн араас кэрэхсэбиллээх тэрээһиннэр ыытыллыахтара. Ол курдук, Кэбээйи улууһугар муҥха, Өлүөхүмэҕэ сахалыы остуол оонньууларын күрэхтэһиитэ буолуоҕа. Горнай улууһугар саха ынаҕын уонна сылгы иитэр баазаҕа экскурсия буолара былааннанар.
Дьоҥҥо сөбүлэппит «Саха сирин амтана» гастрономическай бэстибээл үлэтин сэтинньи 27 күнүттэн саҕалыаҕа. Тэрээһин үөрүүлээх аһыллыыта «Муус Хайа» эрэстэрээҥҥэ буолуоҕа. Быйыл бэстибээлгэ Новосибирскай уобаластан, Хабаровскай, Приморскай, Мурманскай кыраайдартан, уо.да. эрэгийиэннэртэн кытта кэллилэр.
Бэҕэһээ, сэтинньи 25 күнүгэр, Өймөкөөн улууһугар Томторго быйыл Олоҥхо Ыһыаҕар ыытыллыбыт «Көмүс күрүөҕэ» Аал Луук Мас уота күлүмүрдээтэ.
Тымныы полюһун хаһаайына Чысхаан үөрүүлээх быһыыга-майгыга бэйэтин резиденциятыттан Тымныы символын хостоон таһаарда. Бу бэлиэни илдьэ кини Өймөкөөнтөн анаан айаннаан иһэр. Ахсынньы 1 күнүгэр өрөспүүбүлүкэ киин харыйатын уотун холбоон күлүмэрдэтиигэ кини Великай Устюг Тымныы оҕонньоругар кыһын бэлиэтин туттарыаҕа. Бу умунуллубат түгэни Москва ВДНХ быһа эпииринэн көрдөрүөхтэрэ. Дьэ, бу күнтэн ыла Арассыыйа киэҥ туонатыгар Саха сириттэн саҕалаан, тымныы кыһын саҕаланар.
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…