Хаартыска Егор Неустроев тиксэриитэ. Видео Елена Потоцкая устуута
Быйылгы «Муус устар» бэстибээлгэ үгүс ыччакка сулустаах чаастара буолла.
Ол эрээри араас көрүҥнэргэ кыайбыт эдэр ыал суоҕа чахчы. Өймөкөөн улууһун ыччаттара, кэргэннии Егор уонна Нарияна Неустроевтар ааттара бэҕэһээ «Муус устар» бэстибээлгэ дорҕоонноохтук ааттанна. Егор Төрүт нэһилиэгиттэн, Нарияна Томтортон төрүттээхтэр.
Мин уруһуй куонкуруһун кыттааччыларын үлэлэрин көрө сылдьан, биир дойдулааҕым Егор Неустроев үлэтин көрөн баран, наһаа үөрдүм. Талааннаах ыччаты бэйэтин кытта көрсүбүт курдук сананным.
Онон бу тэрээһин тэрийээччилэрин кытта көрсөн кэпсэтэргэ сананным. Александра Вензель тэрийээччилэртэн биирдэстэрэ санаатын үллэһиннэ:
«Кыһын тыына» куонкуруһу Туйаара Стручкова тэрийсибит эбит. Онон кинини булан эмиэ кэпсэттим.
Бу Егор Неустроев чаҕылхай ситиһиитэ. Аны кини кэргэнэ Нарияна үлэтэ хореография куонкуруһугар Гран-при кыайыылааҕынан буолла. Уус-Ньаратааҕы аатырбыт «Золотинка» үҥкүү народнай ансаамбылын солисткалара Ангелина Остапенко уонна Юлия Мещерякова Нарияна Неустроева туруорбут үҥкүүтүнэн «Муус устар» бэстибээлгэ ааттара дорҕоонноохтук ааттанна.
— Дугуйданы уруһуйдаабыт үлэбин үс күн устата оҥорбутум. Бэстибээлгэ бу үлэм биһирэниэ диэн эрэнэр этим эрээри, 1-кы миэстэҕэ тиксиэм дии санаабатаҕым. Аны кэргэмминээн иккиэн өрөспүүбүлүкэҕэ бастаан, хайдах эрэ киһи итэҕэйиэ суоҕун курдук. Иккиэн айар куттаах дьон буолан, бэйэ-бэйэбитин өйдөһөбүт, өйөһөбүт. Култуура үлэһиттэрэ буоларбыт быһыытынан, Култуура үлэһиттэрин күнүгэр бу ситиһиилэрбитин иккиэн төрөөбүт улууспутугар бэлэх гынан уунннубут. Аны дьиэбитигэр тиийэн, Олоҥхо ыһыаҕар бэлэмнэниигэ ылсыахпыт, — диэн Егор Неустроев санаатын үллэстэр.
СӨ Бырабыыталыстыбатын бэрээсэдээтэлэ Андрей Тарасенко Өймөкөөн ыччатын үлэтин бэркэ кэрэхсээтэ уонна айар куттаах эдэр киһиэхэ ситиһиилэри баҕарда.
Ити курдук, Өймөкөөн улууһун Төрүт нэһилиэгин талааннаах ыччата Егор Неустроев өрөспүүбүлүкэтээҕи уруһуй куонкурустарыгар тэҥнээҕин булбакка, кыайыылаахтар ортолоругар өрүү инники кэккэҕэ сылдьарын көрө-көрө биир дойдулаахтара уолларынан киэн тутталлар.
Эдэр ыаллары, Неустроевтары «Муус устар» бэстибээлгэ ситиһиилэммиттэриттэн үөрэн, төрөөбүт Өймөкөөннөрүгэр биир дойдулаахтара кинилэри айхаллыы көрсөргө бэлэмнэр.
Хаартыскалар — Егор Неустроев тиксэриитэ.
Бу сыл алтынньы 11 күнүттэн VI Бүтүн Арассыыйатааҕы «Дигория» пуорумҥа уонна IV «Дигория» национальнай бириэмийэҕэ…
Үп-харчы ырыынагын исписэлиистэрэ, эспиэрдэрэ уонна аналитиктара баан сүрүн ыстаапката үрдүүрүн күүтэллэр. Бу туһунан боппуруоһу Арассыыйа баана аныгыс…
Саха сирин салалтата 2025 сылга тыа хаһаайыстыбатын өйөөһүҥҥэ үбүлээһин кээмэйин быйылгы сыллааҕы таһымнаах хаалларар санаалаахтар.…
Госдуумаҕа дьокутааттар миграннарга сымыйанан ийэ, аҕа уонна ыал буолууну утары охсуһууга туһуламмыт сокуон барылын бүтэһиктээх…
«Урбаанньыт аҕалар» үөрэх бырайыага бу сыл алтынньы 28 күнүттэн сэтинньи 22 күнүгэр диэри ыытыллыаҕа. Босхо…
Бу субуотаҕа, алтынньы 19 күнүгэр, Бастакы ханаал «Играем свадьбу» бырагырааматын таһаарыытыгар эбэҥки норуотун ыал буолуу…