Бу күннэргэ Өймөкөөн улууһугар уһун ардах түһэн, Тымныы полюһунан аатырар Өймөкөөн нэһилиэгин улахан аҥaарын уу ылла.
Нэһилиэк баһылыга Павел Васильев иһитиннэрбитинэн, улахан уу балаҕан ыйын 6 күнүгэр бэлиэтэммит. Ол курдук, күнүс 16 чаас саҕана уу таһыма 4 м 69 см буолбут (тыҥааһыннаах кээмэй — 4 м 80 см).
Хара Тумул учаастагын 60 олохтооҕо Өймөкөөн нэһилиэгин кытта холбуур муоста ууга баран, суол алдьанан, бу күннэргэ уустук балаһыанньаҕа түбэһэн, сырыылара тохтуу сырытта.
Уу сыыйа түһэн эрэр. Бүгүн бу учаастак олохтоохторо бэйэлэрин быыбардыыр пууннарыгар куоластыыллар.
Ордук нэһилиэк киинигэр элбэх уу халыйан киирдэ. Манна 5 элбэх кыбартыралаах уонна биэрэк аттыгар олорор 10 ыал тиэргэннэрин уу ылла. Нэһилиэк дьаһалтата ыксаллаах быһыы-майгы үөскүүр түбэлтэтигэр олохтоох амбулаторияҕа — 10, оскуола интэринээтигэр уонна Биэрэк Үрдэ учаастагар 25-тии миэстэлээх быстах кэмҥэ олорор пууннары арыйбыта.
Оттоммут оту уу ылла. Олохтоохтор ким хайдах сатанарынан отторун быыһыы сылдьаллар.
Бу күннэргэ нэһилиэк хочуолунайа итиини биэрэн, «олохтоохтор тымныы кэмҥэ сылааспыт киирэн абыранныбыт» дииллэр.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…