Бүгүн Тымныы полюһунан аатырар Өймөкөөн улууһугар «Кыһын Саха сириттэн саҕаланар» кыһыҥҥы туризм бэстибээлин чэрчитинэн «Чысхаан алгыһа» үгэс буолбут тэрээһин буолан ааста.
49 кыраадыс тымныыга аан дойдуга аатырбыт Тымныы хаһаайына Чысхаан Эбэ Хайатыгар баар муус хаппахчытыттан силлиэ-буурҕа тыаһа арыаллаах тахсан, иһийэн турар кыһыҥҥы Аар Айылҕаҕа бэйэтин алгыһын тиэртэ.
«Аан дойдуну ил-эйэ куустун, кыһыҥҥы тымныы кэмҥэ туох барыта чуумпурдун, иһийдин, киһи-аймах санаата күүһүрдүн, ис кута бөҕөргөөтүн. Быйылгы кыстык этэҥҥэ аастын!» — диэн Чысхаан сири-дойдуну кэс тылынан алҕаата.
— Чысхаан алгыһыгар Сордоҥноох, Томтор, Үчүгэй, Биэрэк Үрдүн нэһилиэктэриттэн кыттыыны ыллылар. Тэрээһиҥҥэ Чысхаан арыалдьыттарын — Томтордооҕу култуура киинин иһинэн үлэлиир уопсастыбаннай түмсүүлэр чилиэннэригэр, ыччаттарга, орто оскуола үрдүкү кылааһын үөрэнээччилэригэр, төһө да тымныы күн-дьыл турдар, өрүү көхтөөхтүк кытталларыгар барҕа махталбытын тиэрдэбит, — диэн бэлиэтээтэ олохтоох народнай тыйаатыр режиссера Татьяна Заболоцкая.
Тымныы хаһаайына Чысхаан алгыһа тиийэн, быйылгы кыһыммытын этэҥҥэ туоруоҕуҥ!
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…
Сунтаар улууһугар ахсынньы 24 күнүгэр «Абаҕа» спортивнай комплекска хабылыкка уонна хаамыскаҕа 5-11 кылаас үөрэнээччилэригэр күрэхтэһии …
2025 сыл ахсынньы 28 күнүгэр олохтоох бириэмэнэн 22:18 чааска "Восточнай" космодромтан "Союз-2.1б" аракыата көтөрө былааннанар.…
Ил Дархан Айсен Николаев өрөспүүбүлүкэ парламеныгар туһаайыытыгар судаарыстыбаннай сиэктэр тиһигин үлэтин 1,5 төгүл түргэтэтэргэ сорудахтаата.…