Тымныы полюһуттан Өймөкөөнтөн 60-ча киһи хаамыыга кытынна
![](https://sakha-sire.ru/wp-content/uploads/2023/03/img_20230305_134624-1.jpg)
Быйылгы сэлэлээн хаамыы биир бастыҥ киэргэлинэн Тымныы полюһа Өймөкөөн улууһун дэлэгээссийэтэ буолбутун үгүс дьон бэлиэтээтэ.
Быйыл сайын от ыйын саҥатыгар тымныытынан аан дойдуга аатырар Өймөкөөҥҥө өрөспүүбүлүктээҕи Олоҥхо ыһыаҕа буолуоҕа. Ол иһин, бары тэрээһиннэргэ өймөкөөннөр көхтөөхтүк кыттан, улуустарын дорҕоонноохтук ааттаталлара хайҕаллаах суол.
![](https://sakha-sire.ru/wp-content/uploads/2023/03/20230305_193729.jpg)
Дойдулара ырааҕын аахсыбакка, өймөкөөннөр 60-ча киһи буолан кэлэн кыттыбыттара — бастыҥ холобур.
Өймөкөөн улууһа бүгүҥҥү суолталаах тэрээһиҥҥэ кыттыытын туһунан улуустааҕы Култуура управлениетын салайааччытын солбуйааччы Мария Максимова бу курдук билиһиннэрдэ.
Тымныы хаһаайына Чысхаан, хаһан да буоларын курдук, хаартыскаҕа түһэргэ былдьаһыкка сырытта.
![](https://sakha-sire.ru/wp-content/uploads/2023/03/img_20230305_134905.jpg)
Кини сиэннэрэ, Биэрэк Үрдэ ыраах сиртэн төрөппүттэрин кытта кэлбит кырачаан «чысхаанчыктар» эмиэ «уларсыкка» сырыттылар.
![](https://sakha-sire.ru/wp-content/uploads/2023/03/img_20230305_135131.jpg)
Онон өймөкөөннөр кыралыын-улаханныын үгүс ыал хаартыскатын альбомугар быйылгы сыл сэлэлээн хаамыытын бастыҥ өйдөбүлүнэн буолаллара саарбаҕа суох.
Ааптар видеоҕа устуута
Сообщить об опечатке
Текст, который будет отправлен нашим редакторам: