Тымныыга гаас тэрилин (хочуолу, турбаны) көрө-истэ сылдьарга сүбэлииллэр

Быдарҕан тымныылар түспүттэринэн, гааһынан оттуллар дьиэ-уот хаһаайыттара бэйэлэрин гаас тэриллэрин мэлдьи кэтии-маныы сылдьыахтаахтар.

«Сахатранснефтегаз» тэрилтэҕэ биир киэҥник тарҕаммыт уонна кутталлаах көстүүнэн турбаны муус бүөлүүрүн туһунан кэпсээтилэр. «Дьиэ хаһаайына гаас хочуолун турбатын куруук көрөн, муустан, хаартан ыраастыы сылдьыахтаах», – диэн Гаас тэрилин тэхиньиичэскэй өҥөнөн хааччыйар сулууспа начаалынньыга Александр Чупров сэрэттэ. Маны таһынан, дьиэ хаһаайына гаас тэрилин кэмигэр көрүнэн, тэхиньиичэскэй ирдэбилинэн туһаныахтаах, ону тэҥэ тэрилгэ бүөлэнии эбэтэр тоҥуу баар буоллаҕына, туһанарын тохтотуохтаах.